COSMONAUT-TE'N VANTIRHKOH AN HMU! ★Opeey-a Khiangte


COSMONAUT-TE'N VANTIRHKOH AN HMU!
★Opeey-a Khiangte
__________________________________________
Leihnuai lama thilthleng chanchin kan hre tawh a. Tun tum chu, chung lama thilthleng chanchin ve thung aw ni ang..

July 1984 khan, Ni 155 chhung mission nei tura Soviet space station Salyut 7-a chuang, Russian cosmonauts-te'n thil mak em em mai an hmu fuh a. Eng (light) danglam tak leh minung niawm tak an hmu a ni. commander Oleg Atkov leh cosmonauts Vladmir Solovyov leh Leonid Kizim te sawi danin, "space station chu Orange light hian a rawn tuam khup mai a, chu eng chu Space station chhung atanga chhuak ni lovin, pawn lam atanga lo kal a ni." rei vak lo chhung, orange light chu a eng zual sauh sauh a. Men ngam loh khawpa eng a ni ta hial a, eng lam an han en theih leh tak deuhvah chuan, eng lo chhuahna Awng phut mai chu an hmu thei ta a ni. Khami tuma cosmonauts zawng zawng khan, space station pawn lama Vantirhkoh 7 thlawkho hmel an hmu theuh va. ground control lam a be pawh vat, an hrilh dan chuan, khang an thilhmuhte kha Humanoid niin an lang. An hmel leh taksa pumruaah mihring ang tak an ni miau atin ni. Amaherawhchu, Thla an nei a, 10 minutes chhung chu, space station rual zelin an thlawk a, an bo leh ta a ni.

Ni 167-naah, Soyuz T-12 spacecraft atangin Team danga Crew 3: Svetlana Savitskaya, Igor Volk leh Vladimir Dzhanibekov te'n an tawiawm ve leh a. Chumi hnu lawkah, Salyut 7  chu Orange light lum deuh up chuan a tuam nawn leh a. Chumi tum pawh chuan, Vantirhkoh an inlar leh tho a ni.

A tirah chuan, Soviet Union sawrkarin crew-ho hnenah zep tlat turin a hrilh a, top secret a ni. cosmonauts-hovina an report danah chuan, khang Vantirhkohte khan hlim hmel an pu seng reng a ni. Thenkhatin, crew-ho kha, station-ah an awm rei lutuk avangin, an taksa a chau a, thil an hmu sual mai niin an ngai a. Mahse, mita hmutu chu an zavaiin an ni miau bawk si a, an vai vaiina han hmuhsual chu a rinawm tlat si lo a ni. Vantirhkoh an hmuhte chu a lo berah 90 feet vela sang an ni hlawm tlangpui. An mission zawha khawvela an letleh hnuin, Cosmonauts-ho khan rilru lamah felhlehna an nei a nih an rin deuh avangin, medical tests neih a ni hial a. Mahse, an taksaah thil dik lo leh fello a awm hauh si lo a ni.

NASA’s space shuttle-US Astronaut-te leh International Space Station thununtute pawh khan, Vantirhkoh niawm tak an lo hmu ve tawh a. Eng thil nge ni, mihring an ni bawk si lo va tiin an hrilhhai hle a ni.

Tin, December 2, 1995 khan, SOHO, the Solar And Heliospheric Observatory atang pawhin, Ni zirchian tuma an en laiin, Vantirkoh nia rin tam tak an lo hmu tawh bawk. NASA erawh chuan, khang an thil hmuhte kha, image artifacts emaw, image processing-a error mai niin a ngai a. Mahse, chutiang thil hmuh chu a tam hle si a, Vantirhkoh nge ni ang, Extraterrestrial being tihte rilruah a awm thei ta rum rum mai a ni.

Soviet Space Station, Salyut 7 chanchin kha tlemin han sawi zau deuh lawk ila.  Salyut 7 chu Russian space station a ni a, Khawvel helkual turin April 1982-a tirhchhuah kha a ni a, February 1991-ah hluihlawn a ni leh ta a ni. Mihringin an han thunun hmasak ber tum chu, May 1982-ah, crew 2-te'n Soyuz T-5-in an tlawh a, an tlawh hnuhnun ber leh tlawh tawpna chu June 1986 khan a ni a, chumi tuma an han tlawhna spacecraft chu Soyuz T-15 a ni. Salyut 7 an hman chhung zawng chuan, thawktu (crew) mi 12 laiin, an han inthlak chhawk zak zak hman a, Unmanned module pawh 15 lai chu launch a ni hman bawk a ni.

Tichuan, a lo rei zel a, Space station chuan harsatna lian tham tak pahnih a nei ta a. Ni 9 September 1983 khan, Vladimir Lyakhov leh Alexander Alexandrov-te han awm laiin, radiowave transmission experiment an neih lai a ni a. Lyakhov chuan, fuel tank pakhata pressure chu a zo lek lek tih a hmuchhuak a. Alexandrov pawhin, fuel  a leak tih chu aft porthole atangin a hmu ve leh bawk. Ground control lam atangin pipes chu siamthat an tum a, Crew thawk mekte thlaktu Leonid Kizim leh Vladimir Solovyov-te'n an repair ta a ni. Ni 11 February 1985 khan, Salyut 7 chu an bepawh thei ta reng reng lo va. station chu a awm hla deuh dawrh a, a khawl a ti thup bawk. Hetih lai hi crew awm loh lai tak a ni nghe nghe. Chutia khawl chhia chu, a hnua crew dang han chho leh Vladimir Dzhanibekov leh Viktor Savinykh-te'n an han repair leh a ni. A hnuah, station's electrical system a thi leh a, chu chu repair leh tho mah se, electrical sensor a fello tih hriat a ni leh a.

Mahse, chu pawh chu siamthat a ni leh ta tho a ni. A tawp berah, Salyut 7 chu kum 1986 khan, Soyuz T-15 crew-te'n an luah ve leh a. Mahse, kum 1980 tawp lam atangin solar activity a lo nasa tawh hle a, kum 1990s tir lam phei kha chuan Station-ah atmospheric drag a zualin a thlawhna kawng a siherh ta tan a. Ni 7 February 1991 khan, Capitán Bermúdez town zawnah rawn tla lutin a. A kehthemte chu southern Pacific Ocean-ah a tladarh ta a ni.

Kan thupui kaihhnawih lam hawi leh ta ila, tun hnai mai pawh khan, Vantirhkoh hmuh thu report a tam leh hle mai a. Mahse, chung zinga tam tak chu, Thil hmuhsual leh ni anga ngaih ve maite pawh an ni hlawm a. 

Tin, Vantirhkoh leh Pathian riruang leh Pianzia anga han hmehbel theih tur thil hmuh a ni fo va. Chhum mihring emaw, Isua emaw pianzia ang taka lang te, Lei Isua hmel ang taka lang te, hmun bal leh chuar hnawk laite pawh hmehbel a ni zel bawk. Chuvangin, tam tak chu hmehbel chawp atanga rin leh sawi vul maite pawh a awm a. Amaherawhchu, thilthleng tak tak pawh a awm ve nuk thovin a rinawm.

blog ah hian ka lut tam vak lo a, in thiam lo deuh in ka rawn lut leh zuai ani e!!


★★★





Previous
Next Post

No comments:

Thanks for your comment.