ZIRA'N MINISTER LALTHUTTHLENG A KALSAN NGAM HI SDIDC-IN ROPUI TI

 
Siatual | September 18, 2018: Saitual District Implementing Demand Committee (SDIDC) chuan vawiin khan an bial chhan nana bial mite vahvaipui tura  Lal thutthlenga kalsantu Pu R Lalzirliana chu Keifang kawnah lo hmuakin, Saitual Auditorium-ah amah chawimawina hun an hmang.


Pu Zira chuan, "chawimawi phu ka ni lova, mahse, kum 1998 atang khan min chawimawi," tiin,a bial mite natna chu a natna a nih thu a sawi a. chumi lantir nana minister atanga bang a nih thu a sawi bawk.

(website a fakna awm hi lo click ve ta che!)

 

Pu Zira chuan, Pu Rahul Gandhi, Pu Lal Thanhawla leh amah ngei pawhin an lo intiam tawh district chu an pek theih dawn tak loh avangin minister dinhmuna ding reng tlakah inngai lovin, a bial mite tawrh ang tuar ve tura Lalthutthleng hnawla a biala let leh a nih thu a sawi.




Hetih lai hian Saitual District Implementing Demand Committee (SDIDC) te chuan Saitual District Function tura an nawrna kal zelah thuchhuah siamin, Bialtu Pu R.Lalzirliana`n Home Minister lalthutthleng ropui tak a kalsan ngam hi ropui an ti a, thinlung takin lawmthu an sawi a. Party atanga hnawhchhuah hial a tawk erawh hi chu pawi an tia, an tuarpui tak zet tih an sawi a.
( www.tleirawl.in hi i thiante lo hrilhhriat ve  ta che!)

 SDIDC chuan an thu dinglai angin Congress Party Tawi East Block te chu Block atanga Unit thlengin an seal te dah turin an ngen nawn leh a 

 Tun Term chhung hian District hi an hmu hmanlo a nih pawhin District an neih hma chu an kal zel tur thu leh an thu dinglai angin tuna sawrkarna chelh mektu Congress Party hian DC tel lo chuan Tawi bialah hian candidate  siamlo law law tura an ngena an tarlang nawn a.





Tuna sawrkarna chelh mek ten Saitual District function hi an bat a ni tih hi an hriattir leh a, heng a hnuaia point tlemte atang hian SDIDC hian thiltih awmloh ti ah an in ngailo.
a)      Kum 44 lai Saitual District function tur hian kan bei tawh a, District tih tak zeta dil rei ber leh awmchhun kan ni a, tlawm san thiangah kan in ngai lo.
b)      Tuna INC President Pu Rahul Gandhi leh kan CM zahawm takte hian District function hi min lo tiam tawh a, keini chuan kan tih tur tiin term 4, kum 20 lai kan bialah kan lo thlang tling tawh a, Congress Party chet chhiat lai ber pawha khaidingtu bial, CM pawhin Saitual atangin Development bul kan tan ang a lo tih tawh hi, Congress Party hian a hlamchhiah thiang loah kan ngai a, Tun sawrkar hian DC min pek hi chu an bat a ni.
c)       Aizawl District lian fal lutuk hian hmasawnna kawngah thingtlang lam min dal tlat a, hmasawnna a kairual theih nan Aizawl District then a tulzia hi kan Minister te pawhin an sawi thin a. Chuvangin Saitual District siam hi sawrkar tan thil tih makmawhah kan ngai ani.
d)      Official lam, District Re-organisation Committee ten district thar siam nana criteria a siam atanga teh pawhin Saitual District tihpuitlin hi chu thil tihawm takah kan ngai.

tiin, Hetiang hi an dinhmun a nih mek laia District Function chu sawi loh, an bialtu in Party atanga hnawhchhuah hial a tawk hi pawi an ti tak zet a, Saitual bial mipuiten an hrethiam thei lova, chuvangin DC kenglo candidate siamlo turin an chah nawn leh niin Saitual District Implementing Demand Committee (SDIDC)
 chuan an thuchhuah-ah an tarlang bawk.




Pu Zira thusawi chu a ngai ang angin a hnuaiah hian kan dah e.

Pu Chairman leh Siatual Kiefang, Saitual bial/Tawi bial mipuite vawiin nia min lo dawngsawngtu, min lo lawmtu zawng zawngte leh ka rawn kalpui  Aizawl lama Ka thiantha min tawiawmtute chibai ka buk che u a.





Vawiin-ah hian chawimawi phu pawh niin ka inhre lova, amaherawh chu 1998 atanga vawiin ni thlenga min chawimawi avang hian nangni, helai bial duh ang hi ka ti thei lova, in mi ngaihdam ka dil zawk a.

Tunah hian district kan duh em em a, in natna, ka bialte natna hi ka natna a ni a, in tahna hi ka tahna a ni tih  lantir nan minister nihna sang tak atang chuan phutluihna ni miah lovin, district hi kan bial hian a phu ka ti a. Tin, kan hotu, congress a ka lo awm vena thinte, Rahul Gandhi-an min tiam tawh a, Tin,  kan hotupa Pu lal Thanhawla'n chiang takin min tiam tawh bawk a. Tin, keiin, tun kan inthlan dawn, 2013 khan a loh theih loh avngin ka tiam ve tawh bawk che u a. Chutiang ka tiam chu leh kan hotute pawhin an lo tiam a kha min tihpuitlinpui ngei turah ka  ngai a, ka beisei a, amaherawh chu, vawiin ni thlenga min pek an tum tak loh avangin he dinhmun zahawm taka thu reng thei bik hi niin ka hre lova, nangmahni rualin, nangmahni angin he lai hmunah hian rawn awm leh mai kha a tulin ka hria a. chutiang a nih avang chuan vawiin niah hian zalen ka lo ni ta a. Kan hotute'n hetianga minister hial a ka ban tak avang hian election dawnah chuan heti anga party intihlungnih loh leh inbansan, party atanga inbansan hial thleng thei tur dinhmunah ding ta ah  ngaiin min pe ve mai ang chu tun election puan hmain’ tih pawh beisei ka nei a ni. Thil a la tih theih hun laia tih hi a thain ka hria a,.
(website a fakna awm hi lo click ve ta che!)


 Amaherawh chu inrunluihna ang hrimin, niminah hnawhchhuah, party atanga hnawhchhuah ka lo ni ta a, a, hetiang a nih phei chuan, MLA pawh ni ila, Congress atanga thlan tlin pawh ni ila, party atanga hnawhchhuah ka nih tawh avangin tumahin min hrem thei lova, engtin mah danin min hrem thei tawh chuang lova, chuvangin duh duh sawi thei dinhmuna ding ka ni a. Hengte pawh hi Pathian min hruaina zel niin ka hria a.  Kan din/tlin tirh atanga vawiin ni thleng hian ‘kan bial Pathian min pek’ kan ti a, vawiin niah pawh hian Party sawrkar district  min pe thei tur siam turin tunah hian Saitual bial mipui zawng zawngte kan tanrual hian zoramah, zoram hi kan tanrual na apiang chu an sawrkar ang tih ka ring a, chutiang tur chuan lungrual takin awm tlang ila, district hi chu kan hmu ngei ang, ‘politics a ka mit men chhung hian kan hmu ngei ang, nangni nen hian kan lawm ang tih ka ring a ni,.” ka lawm e.


Post hi i lachhawng duh anih chuan source - www.tleirawl.in tih tarlang ngei ang che.


Comment ah hian i ngaihdan lo tarlang rawh le.
Previous
Next Post

1 comment:

Thanks for your comment.