1 , 2, 3 CLICK.




Mizote hi kan tuilam kawngah chuan hmasawn chak tak kan ni a. Kan thiamnate hi a nihna tur dik tak ah hmang thiam phei ila chu eizawnna tha tak a ni thin.
Tunlai kan mizo hmeichhiaten an thlalak mawi leh sexy tak tak an pholan thin hi inhmuh ve thin tho ka ring a. An taksa mawina phutawk hi an hlawh mang lovang.
Nu leh pate kan pawimawh leh ta. Kan fate silhfen inbel tur leisaktute kan ni a. "A tunlai alawm / fashion alawm",an tih hi kan pawmpui mai thin. Kan society in a mil tawk, a mawi tawk kan zawnpui hram hram a pawimawh khawp mai.
Kan fate hmelthatna, duhawmna leh mawinate hi kan chhuang ngei ang. Mahse, a mawi tawk kan zawnpui loh chuan a thalo lamah an hman hun a awm thei. Kan fate hian awlsam zawk a sum lakluh hrehlohna an nei thei a. Thlalatute it zawng tak an nih phei chuan sum an hnar zo lo mai thei. Kan fate min enkawlpuitu pawh ni hleiloten kan phalna la lo va, an thla an lo laksak leh an pholan hi remti lovang u.


Thlalatute pawh hi ngen ka duh. Kan faten sum an duhna avangin an nu leh pate remtihna tello chuan an thla laksak leh pholan hi ti lo hram ang u. An hmalam tur dawn phak lo, an mualphona tur chen pawh ngaihtuah thiam lo rual lek lek an nih thin avangin venpui zawk ang u.
Modelling lam an tuina a nih a, eizawnnan an hmang anih erawh chuan ka dem lo. Mahse kan fate thla an laksak lai hi vil ngam ila ka la ti fan.
Nulate u, thlalatute talent show na leh an fuihpawrh mai theihin awm suh u. In mawi, in nalh, in duhawm mahse in nu leh pate hriatpui lohin in taksa mawina te pholang lo hram teh u.
BIAKINAH:
Pathian kan biakna hmuna kan silhfen inbelte hi fumkhur a tha ka ti. Ramdang nula ten an pathian biakna hmunah insumkar an lo neilo pawh a ni thei. Keini erawh chu kan ram, kan society mil tawk leh a mawi chin kan zawn a la ngai tlat. Biakina pawnfen chhing tak tak, an thut zawng pawh a an kekawrte lang mai thei te, kawr chhing tak tak te, pawnfen kak thui tak tak inbel te hi a mawilo. Nu leh pate kan fate hi an awmna hmun azira incheidan kan hrilh hriat fo hi a va tha em!
Kan hmeichhe thenkhatte thawmhnaw inbel themlem lutuk hian kan mipa te dawr a pawt a, sual lamah a hip thei.
RUIHHLO:
Thlalatute hian harfim takin thla an laksak ang em le? Thla an laksaka te pawh hi an harhfim ang em le? Harhfim kar a saruak deuh tho a, thlalatute hmaa in pose hi a har ka ring tlat pek a. Kan venpui a va tha em!
Kan taksate hi a lan tam avang hian kan itawm phah kher lo va, kan duhawmna a tizual kher lo. Zuamawm a chang zawk thei. Malno hmuh chakawm deuh thin te kha, tunah chuan a langsa a tam ta si a. Kan silfenin kan taksa a khuh tam poh leh a zahawm a, a mawi zawk bawk.
"A tunlai alawm", in ti em ni? Kei chu ka tunlai lo. Tunlai lo in awm ve em?
Previous
Next Post

No comments:

Thanks for your comment.