MZU MA Pol Sc Topper S. NOKI

Aizawl | August 8, 2018: Mizoram University chuan August8, 2018 khan Master of Arts result a tichhuak a. MA (Political Science) ah Nula S. Noki chuan 7.943 hmuin MZU hnuaia MA Political Science zir zingah hmu sang berin Gold Medalist a ni.
Inkawmna hun tha tak min siamsak a, kan lawm hle mai, A kal zelna turah duhsakna sang ber kan hlan e.



Hming:  S. Noki
Koh dan:  Aki, kiki

Pianni : April 15, 1994

Nu Hming:  C. Khainy (L)
Pa Hming:  V.B. Sachai Syhly (L)
Khua : College Vaih, Siaha (College veng Siaha)

Unau engzat nge i nih ? Eng zatna nge?:
Unau pali kan nia,upa ber dawttu ka ni

Pawl 10 leh 12 i zirna min hrilh thei em? Result nen:
Class X hi Don Bosco, Siaha ah kalin,1st division ah ka pass.
Class 12 Arts hi Govt. Mizo Higher Secondary School, Aizawl atangin distinction ah ka pass a, Mizoram pumah pakhatna ka ni bawk.

UG/TDC/BA zirna ?; Plus result ::  
B.A hi St. Edmunds College,Shillong ah kalin,  1st division ah passin,NEHU ah Top 3 ka ni.

Thil dang zir i nei em?
Nei lo, Tunah hian Civil Service exam turin ka inbuatsaih mek.

MZU Topper i ni tih i hriat khan engtin nge i awm?
Ka inring lo lutuk kha mak ka ti a, Pathian hnenah lawmthu ka sawi hmasa ber.

Topper nih kha i inring reng em? Nih tumin i zir reng em?
4th semester exam dawn hnaiin ka pa a dam lova, rilru hah leh buai chunga bei ka nih vangin Topper kan nih hi ka ring lo. Mahse, rin loh takin ka ni leh ta si a, ka nih theihna chhan hi Pathian vang a ni ka ti lo thei lo.

I lehkha zir dan?
 Lehkha hi MA ka zir lai hi chuan class 12 , BA te ang kha chuan ka zir nasa ka inti lova, mahse ni tin class explanation hi chiang taka ka hriatthiam thin avangin exam dawn hnaiah ngun takin ka en leh mai thin.

Zirna atan hian i chhungte'n an tuipui che em?
Ka nu leh pain ka zirna hi an ngai pawimawh em em a, ka zirna tur a nih phawt chuan za ah za in min thlawp thin.
Min tuipuina tak tak ka hmuh thin avangin  ka phurin ka taimak phah thin.

Harsatna hrang hrang I tawk ngei ang, min share thei em?
Harsatna tam tak chu ka lo paltlang tawh a. Chung zingah chuan kumin (2018) April khan Ka nu hi cancer natna avangin min boral san a, a hnu lawkah ka pa in min boral san ve leh a.
Mahse, harsat, lungngaih leh mangan chunga Pathian kan hnaihna hian a thil tih theih zia a lantir zawk thin.

Zirtirtute aṭangin thlawpna hmu ṭhain i inhria em?
Kan zirtirtute hi ka mimal thlirnaah chuan anni tluka thiam hi ka hmuh lova, zirna mai piah lamah ka thlarau nun thlengin zirtirna min pe a, min thlawp tha em em a ni.

Hlawhtling tura pawimawh ber nia i hriat?
Hlawhtling tura pawimawh ber chu Pathian a ni a, a dawtah Hardwork, sincerity and honesty. He mite pali kan neih phawt chuan hlawhtlinna in min umzui thin.

Aim in Life?
Civil Servant nih ka chak ber.

Khawtlang leh Kohhran-ah i inhmang em?
Aw, Ka phak ang tawkin ka inhmang ve ṭhin.

Ṭhalaite tana i chah duh?
Ka thalaipuite hnenah ka chah duh chu kan khawvel,khawtlang,kohhran leh chhung kaw dinhmun hi adik tawh lova,ka thalaipuite heng zawng zawng siamtha tur hian Pathian hian nang leh kei hi min hmang duh a,eng thil kan tihna ah hian amah kan dah lal ber hi a pawimawh a,kan nun Krista nen hmang in kan ram hi I siamtha leh ang u tih hi thinlung taka ka sawmna pawh ani e


TLEIRAWL
admin@tleirawl.in
© WWW.TLEIRAWL.IN ©
Made With ❤ In Mizoram!
Previous
Next Post

No comments:

Thanks for your comment.