LOVE HAS NO REASON

LOVE HAS NO REASON

Nula: Ngati nge min hmangaih? Ngatinge min duh?
Tlangval: Ka hre lo, ka hmangaih che a, ka duh che tih erawh ka hre chiang.

Nula: Ka ring thei lo, min hmangaiha min duh chhan hi i sawi tur a ni. Chhan a nei tur a ni.
Tlangval: Bawihi, a chhan sawi thei lo mah ila ka finfiah thei alawm, ka hmangaih che tih hi ringhlel suh.


Nula: Ni lo, ka thianteho bialpa chuan an bialnute an hmangaih chhan point tam tak an sawi thin asin.
Tlangval: A nimaw? I hmel that vang hian ka duh em em che a, i nui mawi tak hian min hip a, i che vel zei lutuk hian i zunah min uaitir a, i mitmeng mawi tak hian mi à ang maiin min siam a, i duhawmna hi ka tan chuan thlakhlelh loh theih a ni lo, min duatna hi duat let phu khawpa hlu a ni a, i hmangaihna hlu tak avang chauh pawh hian ka hmangaih che ti ila a tawk viau ang tiraw...

Nula chu a bu nghat nghat a, thla khat a ral leh hnu chu Nula chu Car accident avangin nikhaw hre lovin a awm a, Doctor te paw'n dinhmun pangngai a awh leh an ring lo.

Chutia chesawn thei lo leh biak theih lova a awm lai pawh chuan a bialpa chuan ni tin awmpuiin a khum kiangah a nghak reng thin.

A lo harh huna a chhiar atan lehkha a hnuchhiah a,tah chuan he thu hi a inziak a.

Bawihi,
Ka hmangaih chhan che min zawh kha'n i hmeltha tak avanga duh che ka ni tih ka sawi a, tunah chuan duh tlak hmelthatna i nei tawh lova, i nui mawi tak avanga atchilh che ka ni ka ti a, tunah chuan nui tur pawhin chakna i nei tawh lova, i chevel zei tak avanga i zuna ka uai thu ka sawi a, mahse, tunah erawh che tur pawhin thahrui i nei tawh lova, i mitmeng mawi tak pawh hmuh tur awm lovin i chhing ta si a, chhan neia hmangaih che ni ila tunah chuan ka tan hmangaih tlak i ni tawh lo.

Mahse maw, ka hmangaih reng che a, eng vang mahin ka hmangaih lo che. ka hmangaih che avang chauhin ka hmangaih che asin.

I aw mawi tak hre lo kumkhua dawn mah ila, i mitmeng mawi tak khan mi melh ngai tawh lo mah la, i mi duatna te kha dawng ngai dawn tawh lovin hetiang hian hriatna nei lovin mu reng dawn pawh ni la ka hmangaih tho che a sin.

Bawihi, hmangaihna hian chhan leh vang a nei lo
Previous
Next Post

No comments:

Thanks for your comment.