NUHRAWN

Ka Nu chuan a pumchhungah thla kaw(9)chhung min pai lo a,
A hnute tuiin seilian ve lo mah ila,
A malchungah leh a hnungzangah min awitlei ve lo mahse ,
Chhia leh tha ka hriathmain kal min zirtir lo mahse,
Hnute ngena ka tah changin min thlem tleitu ni ve lo mahse,
A mah kha Ka Nu dinhmun luahlum tu a ni.
Ka Nu chu min hringtunu diktak ni lo mahse,ka tan a,a inpekna te leh min duatna zawng zawng hi Nu hmangaihna chu hei ngei hi a ni mai dawn lawm ni?
Miten sel thin mahse,a lakah hian selna tur ka hmu ve lo e.
He khawvelah hian Nu thaber thlanna nei ta se.Ni e...Ka nu hming zawng a langpha ve kher lo ang.
Mahse ka thinlungah zawng he khawvela Nu hmeltha ber leh a hrinloh fate pawh mite'n a fatak emaw tih hial tur khawp a hmangaihna a enkawl thiamtu Ka nu ngei hi ka nunah chuan Pakhatna dinhmun dinhmun sang ber a chang chiang khawp mai.
Mihring chu famkimlo vek kan ni.
Mite ngaihdanah chuan tlinlohna tamtak nei mahse ka nunah chuan Ka nu tluka he khawvela famkima ka hmuh hi an la awm lo hial awm e .
Ka chhuanga ka Hmangaih a ni.
Ka nawmsakloh hlau a theihtawp a thlantui luang zawih zawih chung a hnathawk thin tu Ka Nu.
Keizawng Ka NUHRAWN tih atan zawng ka phal ve mawlh lo e.

Ka tan chuan khuanu thilpek hlu ber a NI.
NI e...Social Media a Nu te hmangaihna thu puanzar vak vak ai chuan a taka tih lan  zawk tur an ti thin.
Ni e..Nu te hmangaihna thu puanzar vak vak a  an thusawi zawm leh siloh a ,an tih ai te tihsak leh peih mang silo a.
Puanzar vak zawng a tha lo e .
Kei ngei pawh hi Ka nu tan hian tlinlohna tamtak ka nei mahse kan tlinlohna pawh tlinga min hmuhthiam saktu te chu he khawvela kan lei Pathian Ka'N nu leh pa te ngei hi an ni .

Ka lawm e LALPA.
Nu Leh Pa thatak min pek avangin 🙏

    Ziaktu: 🖋L.Bawitlung✒

Previous
Next Post

No comments:

Thanks for your comment.