KA ȚHIAN

"Then rawh mi  pa (Nupui neilai reng) nen an ngaizawng"a nia tih .
Messages ka thawn chuan.
"Ka then tawh a lawm" ti a.
Reply na ka dawn  chuan min va ti lawm em.
"A tha ngawih bopui a rehsan a tha zawk kir tawh suh aw"
Ka ti leh a.
"Engtin nge ka tih ang an pahnih hian tihdan tur pawh ka hre lo thinrim laia thutlukna siam ka duh silo"
Ni e..a thinrim thlak a ni tiraw.
I hmeichhe hmangaih em em in Mi Pa mai pawmlai nei kher thlang a nang a hnawl che hi chu!
"Eng tia tih mah angai lo phuba la tutur chu Pathian a awm a lawm tibuai lo pawh ni la en ta che an dinhmun hi a buai sa reng a lawm pakhat pawmlai nei nupui nei lai reng a nia an dinhmun hi en la tihbuai leh chuan a ngai tawh hleinem ngawihsan la rehsan a tha zawk phuba lak a ngai lo ve"
Tiin a thinrimna bengdaih tumin ka hnem hram hram a.
Mahse ka chungah hian thleng ve ta se.
Ka thei a ngem? phuba la lo hian ka ngawih bopui a nga ,ka rehsan mai thei dawn em ni?
Keimah ngei pawhin a ka  theih a ngem?
Ti a ka in zawh nawn fo thin chu,
Ka tih theihloh tur a ka rinsa chu ani chu ti turin ka ngen hram hram si .
Tu nge maw ka nih le?
Ka tih theihloh tur chu midang tih tir tal ka tum chu ni sia aw!
"A ni pawh kha ka hua ni kan in ngaizawng tih pawh a hre reng si a ka mi rin ber ka thiantha ber a ni sin"
Ni e..ka thian 
Kan  thiantha ber te maw kan tih thin hi a lehlamah chuan kan hmelma lianber te an ni fo reng asin.
"Thiantha tamtak neih tum la mahse i thiantha lakah chuan fimkhur rawh" tih nih thin kha han ti ve leh ngawt pek a!
Khawi atanga khithu khi ka hriat nge ? Eng tih tih a sawi chhuak ve leh ngawt nge maw ka nih le?
"Engtia rei nge in ngaihzawn/ inlo inzui tawh"
Ka zawt leh tal a ,a va tul tampui lo em.
Mi thinlung na taka a awmlai a engvang nge maw zawhna ka zawh fo mai le?
"Thla leh hi kan kumkhatna tur a nia"
Eee...keini pawh thlaleh hi kan kumkhatna tur a nia .
Kan ti leh hram a.
A va tul tawh loh tak.
Ka tawn ve loh avangin ka hlim bik lutuk a,
Ka insawitheih khum te pawh ka ang rum rum tawh.
"Ih maw..ka hrilh ang che he khawvelah hian khuanu hian mi chi hrang hrang min intawntir a,inzawmna kan han siam a,kan inngaizawng a,a then te phei chu ka hmangaih kan tia,
Ni e...hmangaih chu neih tur a tha a lawm,
Tichuan kan hmangaih kan tih ten min han kalsan a ,min han then a,
Kan na em em a,
Kan na ang chu kan hmangaih tlat a lawm.
Mahse hei erawh ka chiang khuanu hian hun reilo te chhung atan hmangaih tur min pe a.
Min laksak leh a,
Kan na em em a.
Kan nun pawh a thenlaiah chuan a chhiatphah thin.
Mahse kha hun reilo te chhung atan  hmangaih tur min pe a nih chuan.
Kumkhua a kan ta tur kan hmangaih tur,min hmangaih tu tur hi tha tak hi min pe leh dawn chiang a nih tih hi ka hria ni"
Ka han ti leh hram pek a?
Ka va mak teh em e aw!
"Ni e i ngawihbopui vek ang u min lo tawngtaipui ula  an ni pawh tawngtaipui an ngai nasa nia" ti a ,a reply na ka dawn chuan min va ti lawm tehreng em.
"Ni e..nangmah pawh in enkawl tha la,Pathian tan a aia nasa zawkin in hman leh zual a ngai a nih kha"
A thinrimna bengdaih ka tum luatah ka mizia lo pui a va lang nasa em aw!
"Ni e..Pathian in a min kohna leh ama lam min hnaih tir leh zualna ah ka ngai"
A thusawi chuan min va hneh tak em.
Mipa dik tak a ni.
Thiani  hetiang khawpa hmangaih tu che,i tihsual pawh ngaidam a,thianghlim taka pawmtu che.
I thlauh thla a,
I nawmsak duhna vanga nangmah hmangaih tu che thinlung i tihnat sak hi chu i zak ve lo em ni?
Inthlahrunna chhete mah i nei ve lo v'em ni?
Khawngaihna pawh i nei lo em ni?
Engtiang takin nge a thinlung a nat anga,engtia na in nge a tuar ang tih hi i dawnpui lo em ni?
Chu a karah Tlangval tam tak zinga
Pawmlai nei kher i thlang hian a ti na leh zual asin.
I thlang sual lutuk a ni ka thian.
I tihsual rah i seng hun chuan inchhirin a ni kha  ana tizual turin va pan hleksuh ang che.

A thiantha leh rinber in a,
A hmangaih i chhuhsak hian i hlim em?
I nupui ah khan lungawina i hmu zolo nih pawn nangmah ringtu che rinna che hi i tihchhiatsaka,a thinlung i tihnat sak kher le?
Eng ang thiantha nge maw i nih le?

Ka thian tuar la,
Tuar fan fan rawh.
I la tuar chhuak anga,an hmaah hian sang takin,hlim takin ila awm dawn tih hi ka hria ni.
Khuanu hian kan tan hian fel takin rem a ruat a,ro arel thin a sin.
A mihring zawng takin kan hrethiam lo zawk mai thin a ni.
Ka thian Pathian ah in nghat la,
I hma hruaitu,i nun kaihruaitu atan Pathian hi thlang tlat zel ang che.

Ziaktu -  Tinie.L.Bawitlung

Previous
Next Post

No comments:

Thanks for your comment.