KA RING THEI MAWLH LO

Kalsan nih natzia chu ka zirchhuak tawh a, mahse, kalsan nawn leh nih erawh ka lo la zir thiam tel hman lo a ni e.

Nang vanga ka mittui luang te hi hmu ve nila chuan min kalsan tura i thutlukna siam kha i sut leh ngei ang.. Chan eng emaw vanga in kalsan ni ila chuan maw, a tawrh dan pawh ka thiam mahna, mahse, chhan engmah awm lova min kalsan na tak hian min tina sin.

Khang hun chhung zawng zawng khan min lo hmangaih ve ngai miahlo em ni zawk le.. Khawvel ka cham ve chhan ka khawvel chuan fam si loin dairial min chansan a, ka khawvel chu ka hmuh phak lohah a vul ta si a, chu ka khawvel ni thin chu tun atang chuan midang khawvel a ni ve tawh dawn si a.

Ka koh phakah awm tawh lo mahse, ka thinlung chuan a la be reng si a, ka ngauhtuahna te chuan a la hlat phal si lova, ka lungngaih hian a hlim ka la ring phal bik lova, ka hlimna hian lungngaihna a thlen lah ka la beisei hek lo.

Lo kir leh tura ka suangtuah ringawt pawh hian ka hlim ru veng veng a, mahse, chu ka hlimna pawh chuan suangtuah chhung reilo te bak a daih ngai si lova, ka lungngaihna te chu a hnenah thlen rem tawh lo mahse, a rukin ka thinlung chuan ka hrilh hmasak ber erawh a la ni fan si a.

Engtikni ah emaw chuan ka hmangaih chanchin hi a thawi chauh ka hriat hun a la awm ngei dawn tih hre mahila, amah nghilh thak tur chuan he lei hringnun ka cham chhung hi a tawi lua a ni e.

Ziaktu- FIJIKO

Previous
Next Post

No comments:

Thanks for your comment.