KA LEI VANTIRHKOH - 4



BUNG-4NA


By:- Rs Thangluah{Remz}✍🏻






Zing lam dar 2.00am vel aṭang chuan mut chhuakin min rawn zêm ṭan a,Mercy pawh a chau ve deuh ni ngei tur a ni a zai ring peih vak tawh lo. Ka ṭhiante 2 lah chu ka hmu tawh miah lo leh nghal a,anni hian ngawi rengin min lo hawsan daih mawn le? Mercy chuan,"Va intiharh lawk i la,ka mut a chhuak dawn tlat,"a rawn tih takah chuan pawnah kan in zui chhuak ta a. Jo leh Mawia pawh pawnah chuan an lo awm ve reng a,"Message kha i hmu lo mi a?,"Jo chuan min lo nuih var var a,"Aih ka phone ka khawih miah lova?,"ka lo ti vat a. Mawia chuan,"Khi laiah khian zial han zu lawk i la,"tih pahin an chho nghal daih a. Mercy chuan min rawn melh a,"Han chho ve i la,in tih harh pah a ni mai lawm,"a lo ti a,"Nia pawi hleinem,chho i la,"ka lo ti ve vat a,ka ṭhiante 2 awmna lam pan chuan kan in zui chho ve ta a.

Pawnah chuan rei pawh kan awm lo,kan lut leh nghal a. Mercy erawh ruang awmna lamah a ṭhu phei leh thung a. Kan ṭhian ho erawh chu a hmaa kan ṭhutna ngaiah kan ṭhu phei leh a,kan chau tlang tawh a ni a nge kan zai pawh a dul raih tawh hlawm a. 

Zing khua a lo var ta,mitthi chhungte chuan mitthi chu kuang chhunga an dah hmain thla an lak pui sap sap hlawm a. Y.M.A ho chuan kuang an rawn zawn lut a,mitthi chhungte chu lungchhe takin an ṭap hawm hawm hlawm mai a. Hmuh leh ngaihthlak a van hrehawm tak êm! Mercy pawh a bang bik lo,Zualtei ruang chu a kuah a a ṭap hawm hawm mai a. Zing lam dar 5.30am velah chuan Zualtei ruang chu kuang chhungah chuan an dah lut ta a. Keini ṭhian ho pawh chu haw turin kan in buatsaih ve ta;mahse,ka û kha ka van theihnghilh teuh tak. Ka û bulah chuan ka va kal a,"Û,kan haw dawn a sin lo haw ve nghal la,"ka va ti a. Ka û chuan a mittui hruk chat chat pahin,"Aw lawk aw Mercy hi a la hman lo deuh a,"a lo ti a. Rei lo te kan nghah hnu chuan Mercy pawh chu mit sen râm chungin a rawn kal phei a,"Awii U Mawite,chaw ei turin min ti tlat a haw bik lo la,"a rawn ti a. Ka û chuan,"Aaa inbual te ka duh a sin,"a lo ti a,Zualtei nu chu a rawn thleng phei nghal bawk a,"Mawite,chaw ei ru aw saw chaw an chhum hnem lutuk a nia. Bawiha,nangni pawh ei ve nghal rawh u khawnge i ṭhiante 2 kha?,"a rawn tu nghal siam siam a. Kei chuan,"Aaa keini chu kan ei lo mai ang,ka û te hian ei rawh se keini chu a ngai lo nia,"tiin ka thiam ang tawk chuan ka lo hnial ve a. Zualtei nu chuan nui sâng chungin,"Chuti tur em ni? In lo inthlahrung a nge?,"a ti leh a,"Aaa inthlahrung hran lo e,zan lamah kan rawn lang leh zawk dawn nia. Kan haw phawt a nge,a nih chaw eitui u aw,"tiin ka nui ve suk a. Zualtei nu chuan,"Aww anih i tih tlat chuan nangni pawh chaw eitui u le,in fel lutuk a nia aw,"tiin kawngka bul thleng chu min thlah phei a.

Zan 1 leh tlaivar pawh a van chauh theih ngai ve le. Ka pa chuan,"Bawiha,thlan laihnaah i kal ve dawn em?,"a rawn ti a. Chaw ei mawlh mawlh pah chuan,"Ka hre lo le,"tiin ka lo chhang mai a. Ka pa chuan,"Chaw eikhamah khan insiam la,thlanmual lamah kal ang che aw. Keini pawh i nu nen mitthi In lamah kan kal a nge,"a la ti zui,ka pa thu ka hnial ngam si lo. Saturday a ni bawk si,nilenga mut ka chak a sin maw le. Ka nu chuan,"Nizan an tlaivar ve bawk sia,a chau lutuk a nge,"a lo ti hlauh mai;mahse,ka pa chuan,"Eee zan 1 tlai var te lek lek tlangval hrisel pangngai tan engmah a ni hleinem. Zan dangah pawh rei tak tak a meng ziah ṭhin tho a lawm,chaw eikhamah insiam la i kal dawn nia,"a la ti ṭalh a nia. Ka nu chuan engmah a sawi zui tawh lem lo,ka û pawh in tifai turin a rawn haw ve bawk a. Kei pawh chaw eikham chuan thlan lai turin ka in siam a,Jo leh Mawia chu ka sawm buai duh lo mai an peih tawh dawn chuang lova. Chuvang chuan keimahin thlanmual lam chu ka pan hnak hnak a.

Thlan laihnaah chuan mi kan ṭhahnem  khawp mai. Thingpui lum ringawt pawh kha 20 vel an niin ka hria,Zualtei thi chu tupawn kan ui vek mai niin ka hria. Thlan ko tlangah chuan ka ding ve ran mai a,1 a rawn chhuah veleh chuan,"Khawi ka lo lut ve tawh a nge,"tiin bawngtuthlawh chu ka lo lak sak vat a,ka zuang lut ve nghal thurh mai a. Ka lu chu na ngat ngat viau mah se,thlan khur aṭang chuan chhuah mai ka tum bik lo. Thlan tla hnup a ka laih hnu chuan,"Khawi ka rawn lut ve tawh a nge,i chau lutuk a nge. Nizan lamah i tlaivar bawk sia,rawn chhuak tawh la,"tiin min rawn âu hlawm a,"Aaa ka chau hleinem,"tiin ka in la tlawmngai lui a. Mahse,ka tlin ngang bik lo a ni e 20mins hnu velah chuan ka chhuak ve ta nge nge a. Kan Y.M.A hruaitu te chuan,"Eee i ti ṭha khawp mai,i fel lutuk a nia,"tiin min fak liam liam hlawm a.

Thlan lai tura kal chu
40 vel kan ni a,kan lai zo rang khawp mai. Thlan kan laih zawh meuh chuan ni pawh a lo tlang sang ta khawp mai,nula ho chuan thingpui an rawn sem sap sap hlawm bawk a. Thlan laihnaah hian ka vawikhat kalna a nia,ka rin aiin a nuam zek mai kal ziahna tlak a niin ka hria. 

Thlan lung 1 ngheng chuan ka ṭhu ngawi reng a,ka chau ve ngang a ni ang ka lo chhing sek hman a,"Heyy..ṭhianpa,..,"ka darah chuan min rawn sawi det det a,ka harh thut a ka hmaah chuan hmeichhe 1 hi a lo awm reng a,ka hmu thut chu ka phu nasa ngei mai. Ani lah chu a lo nui vur vur a,"Hei thingpui aw,"tih pahin ka ṭhutna bulah chuan a rawn ṭhu ve nghal a,"Thlan laihnaah i vawikhat kalna a ni maw?,"tih pahin min rawn nuih sun sun a,"Aww ni e,engtinnge i hriat a?,"ka lo ti vat a. A nui har har a,"Thlan laihnaah hian thingpui lum turin ka kal ziah ṭhin a,i hmel hi ka vawikhat hmuhna a ni miau a,"tih pah chuan a phone chu a hmet nuap nuap a. Nuih suk pahin Y.M.A thingpui no chu ka dawm a,"I van fel ve a,"ka ti a,thingpui chu ka lem ri nghal khawlh a. 

Kan chhak aṭang chuan,"An vui zo tawh a,ruang zawn turin In lamah a ṭhen kal i la,"an rawn ti lauh lauh a. Ka bula hmeichhia chuan,"Nang chu i hah e mai,kal ve lo mai rawh aw,"tih pahin min rawn nuih seih a,a duhawm reuh ngei mai. Mahse,Mercy aichuan a ṭha chuang lo,"Nia pawi chuang hleinem;mahse,khi lamah khian han chho ve i la he lai chu ni a sa e mai,"tih pahin ka ding nghal a. Ani pawh chu a rawn ding ve nghal a,"Khawi no kha ka lo keng ang,i hah hmel sia i khawngaihthlak reuh e,"tih pahin ka no ken lai chu min rawn lak sak a,daihlim lam pan chuan kan in zui chho hnak hnak a.


Chawhnu lam dar 1.30pm velah chuan ruang pawh chuan thlanmual a rawn thleng ve ta. Thlanmual lama rawn zui tu pawh an tam khawp mai,a nu ber kha ka khawngaih a fanu neihchhun a ni ve sia a van tuar na dawn tak êm! A ṭap hawm hawm reng mai a ni,thlanmualah chuan Mercy pa chuan vuina hun a hmang a Bible chang a chhiar zawg chuan,a ṭawngṭai zawh hnu chuan mitthi chhungte chuan Zualtei chu kumkhua atan an thlah a ngai ta. Rei tawk fang Zualtei nu chu thlan kotlangah chuan a ṭap a,a  pasal chuan a kuah a,"Tunah chuan natna awm tawhlohna hmunah hlim takin a awm tawh a lawm. In ti pachang hram hram la,kan haw a hun tawh a nia,"tiin a nupui chu a hnem malh malh mai a,chutia an in thlem hnu chuan an haw ve thei ta. Mitthi chhungte an kal liam hnu chuan Zualtei ruang engmah hre tawh lo chu an vur ta.

Tlai dar 3.00pm velah In ka thleng a,ka chau khawp mai. Ka nu chu amah chauhin a lo awm a,ka pa leh ka û erawh chu mitthi In lamah an la awm a. Ka nu chuan,"Bawiha,in bual fai la i mu vang vang dawn nia aw i chau dawn e mai,i ril a ṭam em?,"a lo ti nghal mawlh mawlh a. Ka nu hi chuan min duat ve ngawt mai,"Aih ṭam love ka inbual a nge,chaw ei dawnah min lo kaitho mai dawn nia aw,"tih pahin ka room lamah ka lut nghal a,ka inbual nghal sawk sawk a ka inbual zawh chuan ka mu nghal a,ka chau bawk a ka muhil hma khawp mai.

"Maw? Kei hi ka nu leh pa fa diktak ka ni lo maw? Chu chu engtinnge i sawi theih a?,"ka ti mawlh mawlh mai a. Ka bula hmeichhia chuan,"I awih loh chuan i nu leh pa saw zawt la ti nia,"tiin ngeiawm zet hian a nui a. Ka thu hriat chuan min ṭhawng khawp mai,"Tunge i nih reng reng a? Hetiang thusawi tur hian tunge i nih a?,"ka ti vin hrawk a. Chu nu lah chu ngeiawm zet hian nui har har mai a,"I nu leh pa te hian fapa an nei thei lova,chuvang chuan fa atan an la che a lawm,"tiin a nui zui leh har har a. Ka van haw tak,hnek chawrh mai chu ka duh a;mahse,hmeichhia kut han thlak êm chu ka hreh ve deuh bawk si,"Nangmah ngeiin ka nu leh pa bulah chuan i sawi ang,i ngam em? I ngam loh chuan dawt i sawi tihna a ni mai,"ka ti ve sak sak mai a. Chu nu lah chu a zam duh miah lo nia,"Tehreng mai i nu leh pa mak ti hmel vel tur ka hmu châk tawh,"tih pahin a hma aia uarin a nui awr awr a. Ka thin in a tuar ta lo,"Hmeli,tunah rawn kal rawh,ka nu leh pa bulah chuan sawi la. Lo kal rawh,nang aiin ka nu leh pa te hi ka ring zawk,"tih pahin,ka kai a ka kalpui hlawk hlawk mai a.

Ka bike chu ka ti nung a,"Rawn chuang rawh,ka nu leh pa te fa diktak ka nih leh nih loh chu kan hre khawp ang,"tiin ka tlanpui fua fua mai a. A duh aiin ka tlan chak deuh a ni ngei ang,"Bawihte,tlan muang deuh teh ka hlau a nia,"tiin ka kawngah chuan min rawn kuah a,"Hmeli,min rawn kuah hlek suh aw,min rawn kuah chuan a hma aia chakin ka tlan ang,"tih pahin a hma aia chak chuan ka phit vak mai chu(h),a hma aia nghetin min rawn kuah a,"Khawngaihin tlan muang deuh teh,"a rawn ti leh a,kei lah chu bengngawng ang maiin ka awm a. Ka speed chu ka thlah dul phah chuang lo,ani pawh chuan min kuah nghet khawp mai,"Suala,misualpa,"tih pahin ka nakah chuan min sik nawk nawk mai a,nâ ti viau mah i la ka hre lo der char char a.

Kan In kan thlen chuan zan dar 11.30pm a lo ri der tawh a,ka bike chahbi chu ka phawi a,"Chhuk rawh le,"tih pahin ka helmet chu ka hlip nghal bawk a,ani pawh chu thuawih takin a chhuk ve mai bawk a. A banah chuan ka kai sawk a,"Thudik chu kan hria ang aw,"tih pahin kan In chhungah chuan ka kai lut hlawk hlawk mai a. Ka nu leh ka pa chu sitting roomah chuan an lo ṭhu dun a,ka pa chuan,"Tunge a?,"a rawn ti nghal vat a,tun ang zan rei tawh a hmeichhia ka hruai haw chu mak ti takin min en hâ mai a. Ka nu chuan,"Bawiha,engnge thil awmzia?,"a rawn ti ve nghal vat bawk a. Ka thaw halh a,"He hmeichhia hian in fa dik tak ka ni lo tiin min hrilh a,"ka ti ta a. Ka pa chu a rawn meng kawk mai a,"Eng a ni? Tunge a nih reng reng a? Nang hi kan fapa chu i ni a lawm,"tih pahin min rawn pan hnai a. Ka hmeichhe hruai luh erawh chuan ka pa chu ngeiawm zetin a lo nuih a,"Dawt sawi kher a ngai mi? Ani hi i fapa a nih loh thu kha sawi mai la,"a la rawn ti ham ham zui a. Ka nu chu a ṭhutna aṭangin a rawn tho a,ka hmeichhe hruai hmaiah chuan a rawn beng sawk mai a,"I va han zaktheilo ve a,kan fapa hi kan fapa diktak a nih hi. I zaktheilo hle mai,"a rawn ti ve sak sak mai a,chu nu lah chu a zam duh reng reng si lo,"Fapa in awh êm avangin fahrah chawmna In aṭangin in la a nihkha,zep vak kher a ngai a mi?,"a la ti ham ham zui a. Ka pa chuan chu nu chu chiang kel kawl hian a melh a,"He In chhung aṭang hian chhuak nghal rawh. Police ka koh hma in,"a rawn ti ve leh a,chu nu lah chuan zam hauh lo in ka pa chu a melh a,"A ṭha lawm police chu ko ta che. Tichuan,keiin i fapa nen in DNA ka lo test ve thung ang. Tichuan,thudik chu a lang mai dawn a lawm,"a ti a,ngeiawm zet in a nui zui awr awr a. Ka pa chuan,"A nihchuan khawngaihin min chhuahsan thei tawh a ngem?,"a rawn ti chuai raih a,ka pa hmel chu a hlim lo takzet a ni. Kei hi an fapa diktak chu ka ni lo tihna em ni le? Ka nu chu ka en a,a biangah mittui a lo luang ngiai ngiai a,"Bawiha,miin i bulah eng thu pawh sawi se kan fapa i ni tih hre reng ang che,"tiin min rawn hnaih a. Kei chu ka lo tawlh hnung hret thung a,"Ni lo,kei hi in fapa dik tak chu ka ni lo. Kei hi fahrah In aṭanga in lak chu ka ni tiraw? Thudik ka hre duh,"ka ti vin tuarh tuarh mai a. Ka pa chuan,"Bawiha,kan fapa i ni a lawm,kan fapa diktak i ni a lawm,"tiin ka kut chu rawn vawn a tum a.,"Ni lo,kei hi fahrah ka nih hi,thih ka duh,"tiin kan In aṭang chuan pan lam tur pawh hre lovin ka tlan chhuak ta chiam mai a. Ka nu leh ka pa chuan min rawn umzui ngei mai;mahse,ding turin chakna ka nei lo. Tlan tur erawh chuan chakna ka nei a ni,ka hma zawnah chuan ka tlan pur pur mai a khawi lam nge ka pan tih pawh ka hre lo.

Kei hi fahrah maw ka nih? Tu te nge ka nu leh pa te chu? Min hring sauh sauh a tinge fahrah Inah min hnutchhiah leh si? Ka thinlungah chuan zawhna tam tak a rawn lut nghal zut zut a,thui fê ka tlan hnu chuan Mercy nen kan in hmu hlawl mai a.

COWBOY CHANCHIN [Cowboy Historical & Dresses]


COWBOY CHANCHIN [Cowboy Historical & Dresses]

SPECIAL POST

★Opeey-a Khiangte

COWBOY hi ngaisang leh ngainatu tan lo chuan thil ninawm tak a ni ve thin. A ngainatute tan erawh thinlung leh rilru chawkphur a, lairil tiharhthar lehtu tha tak a ni thung.

An hun lai ngaihtuahkir hian a lungluenthlak em em a, Tawng pha ve lo leh hmu pha ve lo mah ni ila, lung a dum hle thin a ni.

Bawngrual leh Sakawrrual vengin Cowboy hun lai hi chuan an hmanhlel hle thin. Eizawnna tha tak a nih tlat vang a ni.

Movie lam kan en chuan, Sakawr leh Bawng vengtu ni ve kher lote pawh Cowboy inthuamin an inthuam fur thin. a chhan ber chu, he inthuamna hian an hnam nun a chiah hneh hle tihna a ni.

Heng hun lai hian Suamhmang te, rukrukna te, tualthahna te a hluar hle a. chumi laka invenghima, bungrua leh ran venghim thei tur chuan, Silai kah thiam tak, Pistol phawi rang zet nih a ngai thin.

Ngam leh ngam chu, Fair taka Pistol pai ve vein, inring ren rawn sa ve vein an inkap (draw) ta thin a. hetah tak hian Pistol phawi ran a pawimawh ta hle mai a. a rang lo zawk tan erawh chatuan thihna a ni tawh si a ni.

Khaw tinin, mahni khaw enkawltu Police ang deuh hi an nei ve vek a. chungho chu 'Sheriff' tih an ni a, an kawr hma lamah, Sheriff an ni tih chhinchhiahna 'Batch' bial ker chu an bel va va thin a, mite zah an kai em em mai thin a ni.

Sawrkar rawn dah an ni. Anni hi khawchhung leh an huam chinah mawhphurtu an ni a. misualte chu manin, Lock up-ah an khung ve thin a, chuta thiam loh changtute chu Dawhsan (Gallow)-ah, mipui hmuh laiin Khaihlum an ni ta thin a ni. 

Misual, sawrkarin man tuma a zawn mekte hi 'Wanted' tih an ni a.
Dan kalha che thin an nih avangin, 'Outlaw' tih an ni deuh kher thin. Outlaw-ho hi mi tawrawt, tualthah leh rukru bawraw tak tak an nih thin avangin, Sawrkar chuan man a tum hle thin a. man an harsat thin em avangin, nung chung kher lo pawhin, thah theih chuan thah phalna dan siam a ni a.

Lu man an nei tam thin hle. chuti a nih avang chuan, Mihrat khawkheng leh Cowboy phawi rang tak takte'n Outlaw-ho chu an pel ta thin a. an thah tam leh sum an hailut tam ting a ni ta mai thin a ni.

Cowboy phawi rang lutuk leh silai kah thiam tak, kei ka ni inti chinte hi chu Pa rothap pui pui an ni thin a. Pasaltha huaisen leh chhel em em an ni bawk thin a, hmachhawntute chu vui liam an ni chawk. heng hun lai hian Sakawr Tawlailir an hmang nasa thin hle a, bungraw thiar vel nan leh official deuhhote chuanna a ni.

Chutih laiin, Ram inchuh vang leh chhan hrang hrangte avangin, Native American (Red Indian)-ho leh Cowboy-ho hi an inngeih vak thin lo a. buaina a chhuak fo va, an inrun chiam thin a ni. Red Indian-ho hi Indian tiin an sawi mai thin a, an kawlhsenin, hlauh an nei lo hle a. 

Cowboy-ho tan pawha tawrhhlelhawm tak an ni.
Hman lai Mizote ang deuha, chai mup mup thin an ni a, ral beih leh inrun hi an nuna bet tel tlat a ni.

'Cowboy' tih hi Ran vengtu tihna a ni a, North America-a Ran vulhna ram zau takah ran an veng thin a ni. Bawng vengtu pawh kan ti thei tho bawk ang. Sakawr chung chuangin ran an khalhkhawm thin a ni. 

Kum zabi 19-na tawp lama American cowboy-te kha, Northern Mexico-a vaquero Tradition atanga lo inirhchhuak a ni a. Chuta tang chuan, Cowboy nihphung chu a lo danglam chho ta zel a ni. Cowboy sawina chi khat 'wrangler' te chuan Sakawrrual an veng thung.

Ran vulhna Huan lama an hnathawh bakah, cowboy thenkhat chu Rodeo-ah an tel ve bawk thin a ni. Chutih rualin, Cowgirls tih thu pawh hi kum zabi 19-na tawp lam khan an lo lang ve tan bawk. South America leh Australia-ahte chuan ran vengtuah an tang ve thin a, cowboy-ho thawh ang tho an thawk a ni.

Cowboy culture bulpui hi Spain culture leh America khawmuala tun hmaa European lo cheng hmasate culture atanga inherchhuak a ni a. 

Kum za tel a liam hnu chuan, Chenna hmunhma avang te, Sik leh sa avang te leh Ran vulh dan avang tein, Cowboy inthuamna pawh a lo danglam chho ta zel a ni.

'Cowboy' tih thu mal sawifiahna hrang hrang hi a tam hle a, mahse, a kawhtum a inan deuh fur hlawm avangin, chung zinga pakhat chauh chu han sawi rih phawt ila.

English word 'cowboy' tih hian tobul (origin) a nei nual a. Kum, Ranrual enkawl, tihte chu a awmzia ber a ni. Kum 1725 khan "cowboy" tih thu mal hi Sap Tawngah a lang tawh a. 

Spanish thu mal Vaquero tih chu Sap tawngin an letling ni berin a lang.
Spanish tawnga a awmzia chu, Sakawr chung chuanga Ranrual vengtu tihna a ni. vaca tih hi Bawng "cow," tihna a ni a, chu chu Latin word 'vacca' tih atanga lakchhawn a ni.
-------------------------------------------------------

♣ HISTORY 🔫

Cowboy tradition hi Spain atanga chin chhuah a ni a. Tichuan, Ranrual ven hna chu Iberian peninsula-ahte an ching chho zel a, a hnuah, America ram a thleng ve ta a ni. Heng ranrual an enkawlna hmun hi hnim awm khat em emna hmun a ni a. Kea ranrual ven chu a harsa a, Sakawr chung chuangin an enkawl ta zawk a ni.

Sap tawng hmang sumdawngho Khawthlang lamah an lut thla a, English leh Spanish traditions, language leh culture te chu a lo inpawlh ta nuk mai a ni. 

Kum 1848-a Mexican-American War thlen hma khan, England sumdawngho chu Lawngin California-ah an lut a.  hacendados leh vaqueros te nen indawrin, Bungrua leh Savun an inthleng kual ta thin a.

American sumdawngho, tuna SantaFe Trail an tih takte pawh chuan vaquero-ho hi an tlawhpawh hle bawk. chung avangte chuan vaquero tradition leh English cultural tradition chu a inpawlh ta a. Tichuan, tuna American culture-a  "cowboy" kan tih hi a lo chhuak ta a ni.English tawng hmangho hi Texas-ah kum 1821-ah an khawsa tan a.

A bik takin, Relkawng siam hnu, American Civil War laia Bawngsa hralh a kal hun lai khan,  tradition hlui chu Ranvulh enkawl nan an tuaithar leh a ni. Kum 1880 chho vel khan,   cattle industry a lo tam ta hle a, Ranvulh pawh a tam belh a lo ngai ta zel a.

Hmarthlang lam hawiin Ranvulh chu a lar phei zel bawk a ni. Texas ranrualte chu hmar lam, Rocky Mountain leh Dakota velah ven leh enkawl thin a ni a. industry-in hma a sawn zel angin, Cowboy tradition pawh chu a pawimawh ta hle a ni.

A lehlamah chuan, Khawthlang ramah khuan Hmeichhiate pawhin Ranrual an veng ve thin a. chungho chu Cowgirl an ti ve mai thin. Tun hnai khan National Cowgirl Museum leh Hall of Fame chuan beihpui thlakin, Cowgirl-ho sulhnu an chhuikir vak a. chung atang chuan Cowgirl an lo awm ve thin ngei thu kan hrechiang thei ta a ni.

Kum 1880 chho va Thirhling (Barbed wire) siamchhuah a nih khan, Phul leh hnim chereu chak lutuk tur ven nan, Ranrual chu Thirhling hung chhungah khung an ni ta thin a.

Texas leh a chhehvelah chuan, an ranrual ven that a lo tul ta hle a, mimal rama an tlat luh loh nan khung deuh chawt an ngai ta a ni ber. Hmar lamah phei chuan, hnim leh phul a chereu nasa hman hle a, ranin eitur an nei ta mang lo va. kum 1886–1887 vel phei kha chuan an tam (tram) tawh hle a ni.

Ran za tam an thi ta phawk phawk a, cattle industry pawh a lo tluchhe tan ta a. kum 1890 vel khan,barbed wire hmanga ranvulh khung chu northern plain ah chuan an thupui ber a ni tawh. Relkawng pawh a lo tam zel a, meat packing plant te chu Ranvulhna bul velah siam a ni ta a. Ranrual thui tak taka khalh chu an bansan tan a, Cowboy hun chu a lo chuai ta a ni.
-------------------------------------------------------

♠ COWBOY ATTIRES 🔫

Cowboy thuam tam takte hi a chang chuan, Western wear titein an sawi thin. Chung zinga tam tak chu Mexican vaqueros-ho inthuam thinna atanga lakchhawn an ni a, thenkhat chu Native American (Red Indian)-ho thuam copy te pawh a ni hlawm. Chung Cowboy thuamte chu:

1) Bandanna: Nghawnga scarf ang deuh han tawn/veh kual a ni. thlan hruk nan leh vaivut khu laka hmai tuam nan hman thin a ni. 

2) Chaps (shaps tiin an lam ri zawk mah):  thenkhat chuan 'chink' te pawh an ti a. Sakawr chung chuan laia a khalhtu ke rahchhan a ni. 

3) Cowboy boots: hei hi boot rawng sang a ni a, a chhip zum tak, heel sang niin, a tlangpuiin, keartui hnung lam zawnah Sakawr turna (spur) dah a ni thin. 

4) Cowboy hat: Cowboy-ho Lukhum parh khum thin kha a ni a. Ni sa tak laka inphenna a ni. Pianzia (style) tam tak a awm ve a, John B. Stetson's (Boss of the plains) an tih thin khan a tilar hle.

5) Gloves : Kutbun a ni a, a tlangpuiin, Sakhi vun atanga siam emaw, Savun lam chi hrim hrim atanga siam a ni. a nem hle a, barbed wire khawih vel pawha kut na lo tura him tha a ni. 

6) Jeans emaw, Kekawrtlawn tight : hei hi  canvas atangin emaw, denim atangin emaw an siam ber a ni.
-------------------------------------------------------

♥ COWBOY INVENTION 🔫

1) Riding boots - industrial age hun thleng khan, boot te hi mimalin an siam a. Tun hma lam cowboy boot designs, cowboy thuamte kha, Spain atanga America-a lo pem lut Vaquero-ho tradition an copy thin hle a, chu chu 16th century tir lam kha a ni.

Cowboy boot hi style bik 2-ah then a ni a: 

(a) Western (classic) boot

(b) Roper.

2) Levi Jeans : hei hi Bavarian mi, Levi Strauss (1829-1902) khan, San Francisco-ah kum 1850 khan a hmuchhuak a. Gold miner (Rangkachak khura hnathawk)-hovin kekawrtluan tlo tak an mamawh tih hriain a siam ta a ni. Hun a lo kal zel a, cowboy-hovin an lo ngaina chho ve ta hle a ni.

3) Stetson Hat : hei hi Cowboy lukhum parh a ni a, John Batterson Stetson (1830-1906) chu heti ang lukhum siamtu hi a ni a, New Jersey-a piang a ni. John B.Stetson Manufacturing Company chu Philadelphia-ah a din a. he lukhum hi thenkhat chuan, 'John B' an ti deuh kher thin.

4) Bowie Knife : heti ang chemte hi Colonel James Bowie (1798-1836) chuan a hmuchhuak niin an ngai a. hepa hi Texan Adventurer leh slave trader ni bawk a ni a, Mexican sipaite'n Alamo kulh an beih tum khan a thi ta a ni.

A nihna takah chuan, a u, Rezin Pleasant Bowie (1793-1841) zawk kha heti ang chemte hmuchhuaktu niin an ngai ve thin a ni.

5) Colt Revolver : he Pistol hi Samuel Colt (1814-1862) khan a hmuchhuak a. a tirah chuan thing nena chawhpawlha siam a ni a, a hnuah, changtlung zawkin a siamtha nawn leh ta a. American Civil War hun lai phei kha chuan an hmang nasa hle.
-------------------------------------------------------

♦ COWBOY TOOLS 🔫

1) Firearms: Pistol kan tih mai, Revolver (puakruk) an pai reng a. Rifle pawh an nei nghal bawk thin. hei hi an ranrualte chu ramsa kawlh leh misual laka an venna hmanrua a ni.

2) Knife: cowboy-ho hian pocket knife an ngaina hle thin a, folding cattle knife emaw, stock knife te an nei ran thin.

3) Lariat: Spanish tawng "la riata," tih atanga lakchhawn niin, a awmzia chu Hruihrual "the rope," tihna a ni. a chang chuan Lasso tih a ni thin.

4) Spurs: Thir atanga siam, boot keartui (heel) hnung lama dah a ni a. a vir pep pep thei a, a zum fir fer bawk. Sakawr kal tha duh lo han tur deuh aih aihna hmanrua a ni.
-------------------------------------------------------

♣ HORSE EQUIPMENT OR TACT 🔫

Sakawr thuamte hi tack tih a ni a, chungte chu:

1) Bridle: sakawr thununna tura, pawh velna tur hruihrual.

2) Martingales : Sakawr thuawih lo thunun nana pawh dakna.

3) Saddle bags (leather emaw Nylon) : can saddle chunga awm thin, thil nepnawi khungkhawmna.

4) Saddle blanket; blanket emaw pad emaw chu Sakawr hnungzang a nat loh nan Western saddle dah a ni thin.

5) Western saddle: Sakawr chung chuanna thutchhan niin, hei hi savun hmanga siam thutna seat.
-------------------------------------------------------

'Western Badman' tia an sawi thin, PHAWI RANG TURU 21-TE

1) Waytt Earp

2) Bill Longley

3) Billy Brooks

4) Wild Bill Hickok

5) Billy The Kid

6) Mysterious Dave Mather

7) Jim Courtright

8) Wes Hardin

9) Jesse 100Bill

10) Curly Bill

11) Clay Allison

12) Ben Thompson

13) Sam Bass

14) Doc Holliday

15) Joaquin Murrietta

16) King Fisher

17) Frank Leslie

18) Bat Masterson

19) Luke Short

20) John Ringo

21) Black Bart

★Thubelh: Tu'n a ka rawn sawi ang tak te khian an inthuamna te leh an khawsakdan nangmah angin in chan la, an hunlai an khawsakdan awmte chu i mitthla thiam ve ngei in ka ring..🔫



★★★



FISH RAIN PHENONMENA ( SANGHA RUAH SUR MAK TAK CHU)



FISH RAIN PHENONMENA
( SANGHA RUAH SUR MAK TAK CHU)

★Opeey-a  Khiangte

Ruah sur ruala Rannung sur chiam mai thin hi meteorological phenomenon zinga pakhat a ni awm e. Hetianga Rannung sur tel vak hi ram hrangah a thlen thin thu report a awm nual reng a ni.
Rin thu (hypothesis)-ah chuan Thli na tak chuan Luipui a chhem changin, Luia sanghate a chhem chhuak a, chung lamah a len chho ta thin a ni.
Chung rannungahte chuan, Sangha, Utawk, Uchang te an ni tlangpui thin. Amaherawhchu, he ngaihdan leh rin dan hi finfiah a, scientific taka test a ni lem lo.

English-a Idiom, "It is raining cats and dogs" (Ruah sur nasa tak) sawina pawh hi Rannung sur tih atang lochhuak a ni thei ang em aw! tia sawite pawh an awm thin a. Mahse, a tobul ber hriat a ni lo va. Rannung sur tih nen inzawmna a nei em tihah pawh thu chiang tak a awm bawk hek lo.
-------------------------------------------------------

♠ History

History lam kan thlir pawhin, Rannung leh thil dang (object) Ruahin a sur telpui chiam thu kan hmu nual a. 1st century AD khan, Roman naturalist Pliny The Elder chuan, Thlipuiin Sangha leh Uchang a tlehpui chiam thu a lo sawi tawh nghe nghe. 

Kum 1794 khan, French Sipaite'n  French Khawpui pakhat, Lille bula Lalain-ah Ruah sur ruala Utawk sur tel chiam an lo hmu tawh bawk.

kum 1857 pawh khan, California-a Lake County-a mite'n Van atanga sugar crystals a lo tlak chiam thu an report a ni. March 2010 khan, Sangha chi khat spangled perch an tih chu Australian-a hmun fianrial tak, thlalerah a sur chiam tawh bawk a ni.
-------------------------------------------------------

♣ Explanations

French physicist André-Marie Ampère chu Rannung sur chungchang zirchiang hmasa ber bertu scientists zinga mi a ni a.

Utawk sur chanchin chu ngaihruatna hmangin a hrilhfiah a, chu chu a hun laia scientists dangte pawhin an pawmpui hle nghe nghe.

Society of Natural Sciences hmaah thusawiin, Ampère chuan, Uchang leh Utawk tam takte chu Tlangram vela an vah kual laiin, Thlipui na taka lo thawk thutin hmun sang lama lenchhovin, hla takah a thlak leh ta thin a ni tiin a sawi a.

A chang chuan, chung rannung thenkhatte chu, an lo tlak thlak leh hnu pawhin an la dam thei a, chumi awmzia chu, Thlipuiin a lenchhoh atanga rei lo teah hmun hla tak rawn thlengin, an sur thla ta a, an thih hmain, leiah an lo tla leh thin tihna a ni.

Hmun thenkhata Surah erawh chuan, vawtin Rannungte chu a lo hmetkhawng vek thin thung a, a then phei chu vurin a tuam khawng tlat thin.

Chumi piah lamah pawh chuan, Rannung thenkhat chu an taksa him pialin an sur bik lo va, an hmelhem phengphung ve thin bawk a ni.
Chung ang chi bik chu, Thlipui na zual Tornado tleh zawh rannung surahte hian a awm duh bik hle. 

Amaherawhchu, Khaw that lai leh Thlipui tleh telloh laia, Ruah pangngai mai Surah erawh chuan, Rannung sur tel sawi tur awm a awm ngai meuh lo thung thin.

Tuihu (Evapoation) satliah hi chuan engmah a lachho thei lo va, Tuihuin Sangha a lachho thei tia ngaihdan siam erawh hi chu thil rintlak tak a ni thei lo a ni.

A lehlam zawngin han thlir ve leh ta ila, Tornadoes hian thil a lakchhoh reng rengte hi chu, boruakah a nuai vak mai thin a, a nuai sawm theih loh thilte pawh lei lama a paihthlak leh chuan, leiah an zuk insawh darh chuaih mai thin a ni.

Chutiang taka thli na a nih avang chuan, Utawk (Frogs) leh Sangha (Fish) tan chuan tuar zawh chi a ni dawn lo va. chu bakah, an thaw hlei thei dawn lo tih pawh thil chiang sa a ni.

Tichuan, leia an sur thlak leh hmain, an taksa a pem phengphung ang a, an thi vek bawk ang. Tornado na tak chuan Lui thenkhat, a chhunga nungcha awmte nen lama hip kang vekin, hmun hla takah Ruah angin a vawrh darh leh thei thin tih ngaihdan thar a awm leh bawk. 
Mahse, he Hypothesis pawh hi pawm tlan vek theih a ni ta chuang lem lo a ni.

Case dang lehah chuan, Sava (birds) an sur ve leh thei a. Sava pem (migrate) chiho chu, an pem a, a huhova an thlawh sup sup laiin, thlipui na lutuk a lo thawk thut a, chu chuan a len ta a, A sur thlaktir leh ta thin niin an sawi bawk.

Beebe, Arkansas,United States-ah pawh December 31, 2010 khan Sava dum rual chu thiin an sur thla chiam tawh nghe nghe. Heta sava sur chiamte hi an tam hle a, a maktaduai tel an tling hial awm e.

Heng sava sur vak maite hi an thla an la nasa hle a, Media lamahte pawh report a nasa hle bawk. He hmun chauh hi sava surna a la ni lo cheu! Tun hmain, Sweden leh Italy-ahte pawh a sur vak tawh a. scientists-te chuan thil thleng thin ve reng alawm ti mah se, hriat zen zen tur vang tak a ni miau si a, thilmak zinga chhiar tel loh theih a ni lo thin a nih hi maw!
-------------------------------------------------------

♥ Sangha Sur (Fish rainfall) tawhnate:

1) Singapore-ah February 22, 1861 khan Sangha a sur.

2) Madhesh, Nepal-ah May 15,1900 khan sangha a sur.

3) Moose Jaw, Saskatchewan-ah July 1, 1903 khan sangha a sur.

4) Marksville, Louisiana-ah October 23, 1947 khan sangha a sur.

5) Kerala,India-ah February 12, 2008 khan sangha a sur.

6) Bhanwad,Jamnagar,India-ah Oct 24, 2009 khan sangha a sur.

7) Lajamanu, Northern Territory, Australia-ah February 25 leh 26, 2010 khan sangha a sur

8) Loreto, Agusan del Sur, Philippines-ah January 13, 2012 khan sangha a sur.

9) IIT Madras, Chennai, Tamil Nadu-ah, Sep 12, 2013 khan sangha a sur.

10) Lluvia de PecesinYoro,Honduras-ah kum tin sangha a sur thin.

11) Chilaw, Sri Lanka-ah, 6 May 2014 khan sangha a sur.etc
-------------------------------------------------------

♦ Utawk (Frogs and toads) sur tawhnate:

1) Ishikawa Prefecture,Japan-ah, June 2009 khan Utawk a sur tiin report a awm.

2) Rákóczifalva, Hungary-ah, 18–20 June 2010 khan vawi hnih ngawt Utawk a sur.
-------------------------------------------------------

♣ Thil dang:

1) Bath,England-ah kum 1894 khan, Jellyfish a sur.

2) April 6, 2007 khan Salta Province, Argentina-ah Maimawm (Spiders) a sur chiam.

3) Changpat (Worms) chu Jennings, Louisiana-ah July 11, 2007 khan a sur vak.

4) Video-a a lan danin, Santo Antônio da Platina, Brazil-ah February 3, 2013 khan, Maimawm a sur vak.

★Source: Wikipedia
-------------------------------------------------------

Report tam tak zinga pakhat chu details deuh hlekin i han en ve chhin teh ang u le..

♥ FISH RAIN DOWN ON SRI LANKA VILLAGE

West Sri Lanka-a awmte chuan, Ruahin sangha te chi a surpui vak avangin, mak an ti a, an hlim thu an sawi a. Ruahpui sur laiin Sangha eimi a sur tel vak a, hei hi Thli na takina luia mi a lenchhoh takte niin an ngai.

Chilaw district-a awmte phei chuan, Thil rit tak tak tla ri dup dup an hria a, an en nak chuan, Sangha lo let phung chu an va hmu nual mai a, 50kg (110lbs) lai an chhar a ni. Hei hi Sri Lanka-a a vawi khat thlenna mai a ni lo va, kum 2012 khan Kaikuang ruah "prawn rain" chu Chhim lamah a lo sur tawh ngei a ni tih record a awm bawk.

Scientists-te chuan, Lui pawn deuh ang chia Thawngaleivir (whirlwind) a awmin, Sangha, Nghalerh, Ngharul leh Uchangte chu a lachho va, Sangha ruah "fish rain" a lo sur ta thin niin an sawi.

Khuaa mite chuan, "Sangha ruah sur hmasak ber tum chu, Thawhtan Ni-ah a ni a, inchung, huan leh kawnglaiahte an rawn tla phung mai a ni tiin an sawi. Sangha thenkhat chu - 3-5 inches (5cm-8cm) vela seite an ni hlawm a. an la nung fur hlawm bawk a.

Bucket-ah tui dahin, bucket-ah chuan sangha chu kan thehlut zung zung a, a hnuah, kan ei ta a ni" an ti. Kum 2012-a "prawn rain" sur thu report a awm bakah khan,  yellow and red "meteor rain" pawh khami kum vek khan a lo sur tawh bawk a - Khami tuma Khaw awm dan vel kha, US leh British Scientist-ten an lo  investigated hial reng a ni. Sangha hi Sri Lanka-ah chuan a hlu hle.

Source : BBC NEWs 6 May 2014

★Note:Photo thenkhat hi chu Google a mi ka download niin ka thu POST in hriatthiam theih nan a..rawn dah tel ka ni e!!

[opeey1khiangte7@gmail.com]

★★★




KA LEI VANTIRHKOH - 3



BUNG-3 NA

By:- Rs Thangluah{Remz}✍🏻






Mawia leh Jo chu an phur tawh khawp mai,kei erawh ka phur ve tehchiam lo. Jo chuan,"Zanin chu aww tlanchhiat awih loh,"tih pahin Kzp a rawn chhawng va mai a,"Eee mipa ka ni a lawm,ka tlanchhe dawn lo reng reng. Min lo duh lo a nihpawn ngai kan awh a ni leh mai a,"ka lo ti ve ngei a. Mahse,ka rilru tak chuan ka huphurh khawp mai,"Nia mipa chu a tlanchhe ngai lo,"Mawia chuan a rawn ti ve bawk a. 

Ka ṭhiante 2 chuan last period an la neih vangin ka haw san ta a. Ka û nem chuan damlo kan turin damdawiin lam kan pa phei ta a,damdawiinah chuan mi an lo tam khawp mai. Ka rin loh leh beisei loh deuhin khanu kha ka hmu ve hlawl mai,ka û chuan chu nu chu a va be vat a,"Engnge chanchin?,"tiin a zawt nghal a. Chu nu chuan,"Aaa engmah a la ang thei lo,tunah chuan oxygen an pe a mek a,"a lo ti a,kei lah chuan eng dang mah ngaihtuah lovin ka lo thlir leh dauh dauh pek a. Ka û chuan min rawn nghawk sawk pahin,"A nih chu a va zia lo ṭhin ve aw,tunah chuan luh an phal rih awm si lova,"a ti zui mawlh mawlh a. Lalhmelṭhai chuan nui sâng chungin,"Phal e lo kal u la,"a lo ti vat a,"Aa keichu ka rawn kal ve lo mai ang,tah hian ka lo awm a nge,"tih pahin ka bula ṭhutna âwlah chuan ka ṭhu a. Ka û chuan,"Nih min lo nghak char char rawh aw,ka rei lo ang,"tih pahin Lalhmelṭhai chu a zui phei nghal a.

Tlai lam dar 3.30pm velah chuan kan damlo kan te cabin lam chu an ri huk mai a,a ṭhen an ṭap a. Doctor leh nurse ho chu an rawn tlan nghal ṭuk ṭuk bawk a,ka û te pawh chu an rawn in zui phei ve leh bawk a,"Ngatinge a?,"ka lo ti vat a. Ka û chuan,"A thawk a buai deuh a,"tiin min chhang a. Lalhmelṭhai chu a in hnit faih faih a,ka û chuan a kuah a,"Ṭap bawrh bawrh rawh,in sûm miah suh,"a ti zui mawlh mawlh bawk a. Rei lo te hnuah chuan Zualtei thih thu chu kan hre ta,damdawiin chhung chu ṭap thawmin a khat a ni ber mai. Nurse ho pawh chu an ṭap ve hial mai,ka û chuan,"Mam,ka pa te kha zu be nghal rawh. In lam kha lo in sing sa turin hrilh la aw,"tiin min hrilh nghal a. Pawn lamah ka chhuak a,ka pa te chu ka be nghal vat bawk a.

Ka û pawh chu a in sûm reng thei tawh bik lo. Zualtei nen khan an inkawm ve nasa êm bawk a tin ni,Lalhmelṭhai nen chuan an in kuah a an ṭap hawm hawm mai a. Hnem dan tur ka van thiam lo tak êm,hmeichhe ṭap hrim hrim hi ka hnem thiam lo a ni tawp mai. Ka û te ṭhutna bulah chuan ngawi rengin ka va ṭhu ve ta ringawt a.

Jo chuan min rawn call a;

"Aww Bawiha,"

"Zanin chu mitthi Inah kal ve i la,"

"Nia mahse,Mawia nen kan in chawi kha,"

"Mawla,tun angah khatiang tihna boruak pawh a nih loh hi. In siam la kawnah kan lo nghak ang che,"

"Awle nih ka lo kal ang,"

"Awle."

Mitthi Ina kal tum chuan ka insiam ve mawlh mawlh a. Ka pa chuan,"Bawiha,zanin i tleivar ve dawn em ni?,"a rawn ti a,"Aww ka zu tleivar ve a nge,"ka lo ti vat a. Ka nu chuan,"A ṭha lawm kal ve rawh se;mahse,midang tan hnawksakin awm lo la. Pawnah ṭhu mai mai lovin In chhungah awm tam ang che,"tiin min lo hrilh nghal mawlh mawlh bawk a. Ka pa chuan,"Ni e i nu thusawi hi vawng reng ang che,i haw dawnah i û kha rawn ngaihven deuh la aw,"tiin min chah leh a,"Awle nih ka kal aw,"ka ti a,ka chhuak nghal a.

Mawia chuan,"Zualtei chu ka ui ngawt mai,kan veng nula fel kan chân chu a ni mai sia,"a rawn ti ve hlawl mai a. Jo pawh chuan,"Ni e Zualtei te ang nula fel hi chu an vâng tawh viau ang. Kan duh duh a kan fiam ngam a ni ve bawk nen,ka ui ve khawp mai,"a lo ti ve bawk a. Ni e,Zualtei hi chu a uiawm ve khawp mai,kohhran leh khawtlang ah a theih tawpin a in hmang ve ṭhin a. Mi nunnêm leh in ngaitlawm em em mai a ni ṭhin a,kan veng tan chuan chân na nasa tak a niin ka hria.

Zualtei te Inah chuan mi kan tam khawp mai,keini pawh ṭhutna awl remchangah chuan kan ṭhu lut ve nghal a. Duh aiin kan kal hma hret a ni;mahse,a pawi lo a nuam daih zawk. Nu leh pa ho tam tak an la awm nuk bawk a,ruang awmna lamah chuan ka û pawh ka va hmu ve vang mai. Ka tleitir hmelṭhai pawh a lo awm ve bawk a;mahse,a khât tawkin a ṭap reng mai. Mawia chuan min rawn kheuh zauh pahin,"Hawi hu hu lo khan zai ve rawh,"a rawn ti zauh a,ka lo nui suk ringawt a.

Zan dar 10.00pm vel aṭang chuan tleivar tur ho ṭhalai chu an rawn lut ṭak ṭak hlawm a. Keini ṭhian ho erawh dar 8.00pm vel aṭangin kan lo zai tawh a,kan mark erawh a ṭha phian in ka ring a ni. 

Zan dar 11.30pm velah chuan ka û chuan min rawn kheuh zauh a,"Mam,bike i rawn keng em?,"a rawn ti sar sar a,"Aw keng e tinge? I haw duh tawh mi?,"ka lo ti vat a. Ka û chuan,"Aih duh hran love,ka tir lawk duh che a min rawn zui chhuak lawk mai teh,"a ti a,a kal nghal daih a. Kei pawh chuan ka û chu ka zui ve nghal a,pawnah chuan Lalhmelṭhai nen chuan an lo ding ran tawh mai a,"Aw engnge ni a?,"ka ti nghal ngawt a. Ka û chuan,"A inbual lawk duh a,an Inah han kal pui lawk ta che aw,"a lo ti a,Aw Lalpa le(h) ka lawm rual rualin ka va zâm si êm,"Awle kal i la,"ka lo ti ve nghal vat a. Ka û chuan,"In lo chhukthla rual leh mai dawn nia aw,"tiin min chah zui a,"Awle,"tiin ka lo chhang vat a.

"U Mawitei nau maw i nih a? Tunah khan ka hre ve chiah,mak e,"a rawn ti nghal mawlh mawlh a. Kei chuan nui chungin,"Aw ni e in ang lo min ti a ni maw?,"ka lo ti ve nghal vat a. Lalhmelṭhai chuan,"Aaaih ni lo e,chutiang lam pawh a ni chuang lo. Ka hmu ngai lo che êm a,"a ti bah deuh niai a,"Nia Inah ka awm tam vak lova,"ka lo ti mai a.,"Eeee i hming min hrilh la,keichu Mercy ka nia,"a rawn ti a. Ka van hlim tak êm! Ka zawh ngai miah lovin a hming min hrilh a,"Aaa keichu..,"ka sawi zo hman lo,kan hma a motor tlan chu a ding thut a ka in rin hman hma hauhin a break chu ka hmet thut mai. Mercy pawh a in ring hman lo a ni ngei ang,"Awwiii engnge ni ta?,"tih pahin a hnute chuan ka hnung a rawn do lah mai a"Ka hre bik lo,i ṭha em? Ka tihpalh aw,"ka ti nghal mawlh mawlh mai a. Mercy chuan,"Aaa aw ka ṭha e,"a lo ti vat a,"Engnge ni a? Ka pu,"tiin ka hmaa putar chu ka zawt a. Chu pa chuan,"Sawlai kawiah chuan bike leh taxi an in tai deuh a,"a lo ti mai a. Rei vak loh kan din vang vang hnu chuan kan kal tlang ve thei ta hram a.

Mercy te In chu kan thleng ta,ka hming pawh chu min zawt chhunzawm lem hlei lova. Ka tan han sawi ṭhat leh kha a nuam tawh bawk si lova,ka ngawi reng ringawt a. Ka bike chu ka ti thi a,Mercy pawh chu ka bike aṭang chuan a chhuk thla nghal nalh a,"Lo lut ve la,pawna awm reng chu nuam awm lo e,"a ti a,a nui sen sen a a van hmelṭha thei tak e aww. Ka bike chahbi chu ka phawi a,"Nia pawi hleinem,"ka ti a,kan in zui lut nghal a.

Sitting room-ah chuan Mercy nu leh pa chu an lo ṭhu a. Mercy pa chuan,"Ee Mamte,i lo va haw hma ve tinge a?,"a lo ti nghal vat a. Mercy chuan,"A lum lutuk a inbual harh ka duh a,hei U Mawitei nau hian min rawn hruai a kan chhuk thla leh ang,"a ti nghal vat a. Mercy pa chuan min rawn melh a,"Ee i va fel ve a,lo ṭhu rawh,"tiin ṭhutna te min kawhhmuh nghal a. Mercy chuan,"Ka han inbual lawk nge aw ka rei lovang,"tih pahin In chung lamah chuan min chhoh san nghal daih a. Mercy nu chuan,"Pu Dailova fapa i ni ang maw?,"a rawn ti a,"Aw ni e,"ka lo ti ve vat a. Mercy nu chuan,"A nihchu i pa te an damṭha maw?,"a ti leh a,"Aw damṭha e,"tiin ka lo chhang leh mai a. Mercy nu chuan min en uluk khawp mai,ka ke ler aṭanga ka chhip thlengin min chhinchhiah tum ni âwm takin min en ngun a,ka zam lek lek mai. Mercy pa erawh chuan ngawi rengin TV a en thung a.

"Lehkha te i la zir em?,"Mercy nu chuan a rawn ti leh a,"Aw zir e,"tiin ka lo chhang leh mai a;,"Engnge i zir thlen tawh a?,"a la ti leh zel nia,huiham zawhna a van ngah tak ém! ,"B.A 1st Sem,"ka ti leh a,"A nih chu eng subject nge i lak a?,"a la ti leh zel nia,"Arts ka la a,"huiham,Mercy em em pawh hi a van inbual rei tak ém! Mercy nu chuan a duhtawk tawh dawn emaw ka tia,a la duhtawk lo,"I inkhawm ngai vak lo a ni maw? Biak Inah i hmel hmuh tur a vâng e mai,"tih pahin a nui suk a,"Nia khawm ngai vak lo,"ka lo ti leh mai a. Sana ka bih chhen tawh mai,Mercy pa chuan,"Mamtei pawh chu a va rei ṭhin ve aw,"a rawn ti ve ta,ka van lawm tak ém. Mahse,Mercy nu bawk chuan,"Aww nula a ni ve tawh a lawm. Nula chu an inbual chhung a rei ṭhin a lawm,hei a la hma e mai,"a lo ti la ti zui,ka van ngei tak êm! Mercy nu chu ni lo se,ka chhuah san daih tawh ang maw le.

Rei tawwwk ka nghah hnuah Mercy pawh a rawn chhuk thla ve ta. Aw Lalpa,a van hmelṭha chiang kuang tak êm! A rawn nui var var a,"Min lo nghak rei tawh em?,"a rawn ti nghal vat a,"Rei lo e,"ka lo ti ringawt a. Mercy nu chuan,"Thingpui in phawt u la,"a la rawn ti,hei ham,"Aaa keichu ka in châk lo a nia,"ka lo ti vat a. Mercy pawh chuan,"Nia Nu,kan kal mai ang min lo nghak duh lo mai ru aw,"a lo ti ve bawk a,ka van lawm tehkher ve le. Mercy nu bawk chuan,"Awle nih kawngka kan lo kal mai ang aw,"a rawn ti a,"Aw lo kalh mai ru,bell ka rawn hmet mai ang,"a ti a,kan in zui chhuak leh ta. Pawn ka thleng chu ka thaw huai mai,"I ning deuh tawh ni maw?,"tih pahin a nui sen sen a,"Aih ning lo e,"ka lo ti ringawt a. Ka bike chu ka ti nung nghal a,Mercy pawh chuan engmah a sawi chhunzawm tawh chuang lo. Ngawi rengin mitthi In lam pan chuan kan in phur thla leh lawp lawp mai a.

"Ruang bulah mi i ṭhut leh dawn?,"ka ti a,ka bike chu ka hung rem nghal a. Mercy chuan,"Aa ka hre lo le,i bula ṭhut i phal chuan i bulah ka rawn ṭhu ve mai ang,"a lo ti a,a nui sâng a. Ka rin loh leh beisei loh deuha min chhan vang chuan sawi mai tur pawh ka hre lova,"I bula ṭhut chu i phal lo mi?,"a rawn ti leh a,"Aaa aw phal e phal e,"ka lo ti nghal mawlh mawlh a,"Nihchuan lut i la,"a ti a,kan in zui lut nghal a. Ṭhutna âwl ah chuan kan ṭhu dun ve ta ran mai;mahse,ka zai ring ngam ta lo. Ani erawh chu tui takin a zai a,kut a beng bawk a kei erawh ka khawr ṭut mai. Ka zahzel chuan ka phone chu ka phawr a,whatsapp chat ka check nghal a Jo leh Mawia message a lo awm reng tawh a.

Jo message;

"Eisss in va thang rei ta ve a,kidnap i tum mi?🤭,"

Mawia message;

"Yooo...in rei tawh khawp mai aw,i hruai kual vak a mi a?😆,"

Ka chhiar lai mek chuan Mawia message chu a rawn lut leh nghal a,"A bulah te i ṭhu ngam tawh a ni maw? Hma i sâwn lutuk e,fighting💪🏻,"

Hepa tak hi chu aww,naktukah min chhaih leh ngei dawn a nih hi. Tu mah mah chu ka reply lova,ka out leh nghal a zawi te te in ka zai ve sep sep a.

TUICHHUNG NULA(Mermaid)


TUICHHUNG NULA(Mermaid)

★Opeey-a Khiangte

Mermaid chu hmasang thawnthu (legend)-a tuia cheng thin niin, a kawnga chin chung lam mihring, hnuai lam sangha a ni. Mermaids hi khawvel hnam thawnthu (folklore) hrang hrangah kan hmu thei ang. Near East, Europe, Africa leh Asia khawmuala ram hrang hrang thawnthuah hmuh tur a awm nuk mai a ni.

Mermaid tih hi Old English thu mal, 'mere' (sea), leh 'maid' (a girl or young woman) tih atanga lakchhawn a ni.

Mermaid thawnthu kan hriat hmasak berna chu ancient Assyria thawnthuah a ni a, chu thawnthuah chuan, Pathiannu (goddess) Atargatis chuan tihpalh thilthuah a ngaihzawng, mihring a thah hlauh vangin, amah chu mermaid-ah a intichang ta a ni.

Tui chhung nula (mermaids) kan ti tlangpui a, mahse, thawnthu thenkhatah chuan, tui chhung tlangval (mermen)-te pawh kan hmu nual mai bawk si a ni. Mermaids  hi thawnthu leh record-a a lan dan chuan, tuifawn nasa tak/tuilian (floods), thlipui (storms), lawngchhia (shipwrecks) leh tuitla chanchin nena kalkawp tlat thin a ni a.

Hnam thenkhat thawnthuah chuan, thilphal tak leh nunnem tak, mihringte pawh rawn ngaizawng thin niin a inziak bawk. Chutih rualin thenkhatah chuan, ramsa rapthlak (monster) an ni a, an zia leh nihphung thup nan Mermaids angin an inlar thin niin a inziak thung a ni.

Mermaids-te hi Greek thawnthu (myth) a, tuia ramsa awm thin sirens te, sirenia te, dugongs te leh manatees te nena inlaichin riau thin a ni bawk.

America khawmualpui hmuchhuaktu, Christopher Columbus pawh khan Caribbean a hmuhchhuah lai vel khan, mermaids a hmuh thu a lo reported tawh a ni.

Chu bakah, mi dang pawhin an hmuh thu chu, 20th century vel khan an lo reported tawh a. 21st centuries vel khan Canada, israel leh Zimbabwe-ah report a awm bawk.

Mahse, U.S. National Ocean Service chuan kum 2012 khan, "mermaids awm tih nemnghehna tur thu chiang engmah a awm lo" tih a puang a ni.

Tun lai (21st century) hian Mermaids hi art leh literature subject-a lar tak a lo ni ta a. Chutiangin, Hans Christian Andersen chuan fairy tale lar tak "The Little Mermaid" (1836) a phuah a. Chu chuan, a hnuah operas, paintings, books, films leh comics lamah entawn a hlawh ta hle a ni.

Mermaids film leh thawnthu phei chu tam tak hmuh tur a awm tawh a. Mite mitla tak leh bengverh tak an nih avangin, sum lakluh nan pawh tha tak a tling nghe nghe.

Sirenia - Sirenia chu tuia awm niin, hnim ei chi a ni. Luipui, vaukam hnaih, dum leh hmun hnawnga awm thin an ni. Sirenians kan tihah hian, manatees leh dugongs a tel bawk.

Heng rannungte hi mid-nineteenth century vel khan lawngmite chuan mermaids-ah an lo ngai tawh thin a ni.

Greek legend lar tak pakhatah chuan,Alexander ropuia unau nu,Thessalonike-i chu a thih hnuin mermaid-a a chan thu kan hmu bawk. Engpawh chu lo ni se, heti tak maia khawvel hmun hrang hrang thawnthu a, a lar theih chhan leh hriat a hlawh em em chhan hi ngaihtuah chian chuan, tun hmain, mi thenkhatin mermaids an lo hmu tawh thin a nih a rinawm hle a.

A taka hmuh thute pawh record a awm nual reng bawk a ni. Lawngmi (mariners)-te leh khualzin te pawhin tuifinriat hmun hrang hranga an hmuh thu an lo sawi fo tawh thin a ni. Mermaids te hi a chang chuan, a huhova rawn inlarin, mihring hmuh theihah an rawn awm ve zeuh thin niin an sawi bawk.

Thenkhatin, hmeltha tak tak nia an sawi laiin, thenkhat dangte erawh chuan mihring hmel leh ramsa hmel inpawlh, rapawm tak niin an sawi thung a ni. Film thenkhatah chuan Tuichhung nula bakah tuichhung tlagvalte pawh kan hmu ve zeuh zeuh thin bawk.

Ngaihruatna film leh story tam taka a lan dan chuan, heng mermaids/mermen-te hian thiltihtheihna ril tak an neih bakah, tui chungah thu nei tak an ni bawk.

Mermaid ruang (dead body) chu May 27, 2012 khan Animal Planet ah kan hmu a, June 17 khan Discovery Channel ah kan hmu bawk. Hei hian a tihlan tak chu scientific team ten Tui hnuai lama thil mak awm chanchin hrang hrang hai chhuak turin theihtawp an chhuah tihna a ni.

Crescendo chuan MONSTER WEEK Programme-ah ti hian a sawi thar ve ta tlat mai le... MERMAIDS taksa hmuhchhuah film ti mai ila, chu chu "Theory of evolutionary possibility" chungchang a ni a.

He Aquatic Ape Theory hian, "Mihringte chu tun hmain aquatic stage ah kan lo awm tawh thin a ni" a ti a ni. Chumi awmzia chu, mihringte hi tun hma chuan tuna awm kan ni a, hun a lo inher zel hnuah khawmuala cheng chi nunna neiah kan lo chang ta a ni.

Kum Nuai tam liam ta khan tuifinriat kam hnaivai vela tui chu nasa takin a fawn a, a so sang but but mai a ni. Chutia tuipui sosan lai chuan mihringte thlahtu, tui chhunga nungcha chi khatte chu khawmualah an rawn chhuak ta a ni.

Ni mah sela, Chung mihring thlahtu nungcha zinga group khat chu khawmualah rawn chhuak ve duh lovin, tuifinriat thuk lamah an kir leh ta hlauh thung a ni. Khawmuala chhuak zawng zawng chu hun rei tak hnuah, zawi zawiin mihringah an chang ta a, Chung tuipui thuka let leh tate chu tuna Mermaids kan tih angho hi an lo ni ta a ni.

Mihringte hi mermaids thlah ti zawnga han chhui chuan, thil awm thei ve tak tak leh, awihawm tak tak, mi tam tak hmin theih khawpa tanhmun tha leh evidence nghet fe fe pawh a tam ve thei viau mai.

Scientist ropui, Darwin-a'n "Theory of evolution" (Zawng atanga mihring rawn piang chhuaka a sawi) nen pawhin a inkalh ve leh hle a ni. Sangha thlah leh Zawng thla tih ringawt pawh hi inhnialna thlen thei tak a ni awm e. Navy lam pawhin vawi tam fe chu mermaids an hmuh thu an lo report tawh thin bawk a, mahse, an thlalak erawh hmuh tur a vang hle thung si a ni.

Ngaihruatna mai mai erawh chu a nih hmel chiah tawh si lo va. Mi fing pui pui leh patling dawt sawi awmlo hliah hliah, mi tam takten an hmuh thu hi an lo sawi fo tawh bawk si a ni!

Tunah rih hi chuan Mihringte leh Mermaids chu, chhul khat kual kan nih leh nih loh lam ai mahin, an awm tak tak em tih fiahna tur thil kan mamawh a, chumi hre chiang tur chuan kan mi thiam thenkhatte pawhin thil an zir chiang mek zel bawk a ni.

Mermaids bakah, ramsa dang maksak tak tak, rul ang deuh si, a lu sakawr ang tak ni si te pawh mi thenkhatin vaukamah an hmu fo thin bawk a. Tuifinriat chhungrilah khuan, Thil mak tak tak zawng a awm chiang a ni tih a hriat theih a ni.

Kum 1997 khan, National Oceanic Atmospheric Administration (NOAA)-a Scientist te chuan Pacific Ocean thuk tak atanga rawn chhuak ri mak tak mai an hria a, chu chu khawlin an lo record a. Chu chu mermaids riva ni ngeiin an ngai a.

Mahse, chiang taka prove turin, chhui ngaihna a la awm hrih lo a ni. Mi thiamte chuan,  Tuihnuai thuk lamah mihring ang deuh nunna nei, thiltithei bawk si hi an awm ngei an ring tlat a, hun rei tak atang khan an lo thlithlai ru reng tawh thin a. Mahse, mermaids hmuh tur erawh a awm thei tawh lo chu a nih hi.

An lo awm ngei a nih chuan, engvanga rawn chhuak duh ngai miah lo nge an nih ang? Dolphin te,  shark te, whale te pawh tuifinriat chunglangah hmuh theihin an rawn inlar fo si a. Engvang nge anniho chu an bikbo bik tlat chu le? Chu pawh chu lo ni ta tehreng se....Khawi lai tuipui hnuaiah tak hian awm ang maw!

A huhova awmin hmun khatah an inbawkkhawm nge ni ang, tuifinriat thuk lai hmun hrang hrangah, mihringte pawh hmun hrang hranga kan awm ang hian an tla darh ve thei tho bawk. Mi tam takina an thilhmuh thin chu Mermaids an lo ni ngei a nih ngai chuan, hmun hrang hrangah an awm nualin a rinawm.

An rawn inlan leh hun a nghahhlelhawm tak meuh meuhva, hriat chian lehzual chakin kan thlir reng zawng a la nih hi.......[opeey1khiangte7@gmail.com]

★★★



SECRET POWER OF PYRAMIDS [PYRAMIDS Thiltih Theihna Thuruk]


SECRET POWER OF PYRAMIDS
[PYRAMIDS Thiltih Theihna Thuruk]

★Opeey-a Khiangte

Egyptian pyramids hi chi hrang hrang a tam hle a. Kum 2008 pawh khan egypt-ah chuan pyramid 138 lai hmuhchhuah a ni tawh a ni. Egypt kingdom hmasa leh laihawl vela pyramids an sak reng reng chu a tlangpuiin, an Lal Pharaohs thlan leh an nupui Lalnu thlan (tombs) an ni zel a ni.

Egyptian pyramids zinga upa ber bera ngaih pawh Saqqara, northwest of Memphis-ah hmuhchhuah a ni. Chung zingah pawh chuan Pyramid of Djoser(2630 BCE¨C2611 BCE) hi a upa/rei ber tawh a. 

Hei hi dynasty thumna hun laia sak (build) a ni. He pyramid leh a bul vela thilte hi architect Imhotep-a designed a ni a, Pyramids saknaa hnathawktute hi mi 1,000 atanga 100,000 vel an ni.

Tin, Egyptian pyramids zinga hmingthang ber chu Giza (Cairo daifem)-ah hmuhchhuah a ni a. Giza hmuna pyramids te hi an lianin an hrawl bik hle bawk a ni. Pyramid of Khufuat Giza chu Egyptian pyramid zinga lian ber a ni a. Hei hi 'Hman lai Khawvel Thilmak Pasarih' (Seven Wonders of the Ancient World) zinga pakhat a ni.

Egypt pyramid-building period atanga hun rei tak hnuah, pyramid sak (building) hna chu, tunah Sudan ramah hian an thawk leh ta a. Napata Lalte hnuaiah Egypt hi a lo  awm ve tawh thin reng a ni.

Napatan lalna chuan rei lo te awhin, 661 BCE-ah a tawp ta a ni. Sudanese Kingdom of Meroe(300 BCE¨C300 CE) tawp lam khan, pyramid sak hna chu an tharthawh leh nasa hle a, chuta an sak leh pawh chu pyramid 100 lai a tling. Mahse, Egyptian ho chuan Lal thlan (royal pyramid-tombs) tur, an Lalram khawpui bera sa turin an fuih a ni.
__________________________________________

♠ Al-Aziz Uthman (1171¨C1198) khan Giza-a pyramids te chu tihchhiat a tum a. Mahse, Pyramid of Menkaure a tihhmelhem hnuin, tihchhiat pawh chu a hautak em avangin a chawlhsan leh ta zawk a ni.

Egyptians ho chuan Zan boruaka, vansang thim lai bik chu Vanram lawnna (gateway) niin an ngai a. Great Pyramid-a ruang dahna hmun (burial chamber) atanga zim tea phei hret hi a awm a. Chu chu, kha Vansang thim lai, Vanram luhna nia an rin zawn an hawitir a ni.

Height hian a tinzawn tak chu, pyramid te hi an Lal pharaoh thlarau (soul) Vanrama a lawnchhohva, pathian bula a chhohna tura an siam a ni. Egyptian pyramids reng rengte hi Nile lui thlang lam vaukama sak zel an ni a, chulai hmun chu egyptian thawnthua Ni tlakna hmun, mitthite hmun a ni.
__________________________________________

♠ Number and location of pyramids - kum 1842 khan, Karl Richard Lepsius chuan pyramids list a tlangzarh a ¨C Lepsius list ah chuan 67 lai a ni. A hnuah tam tak, ropui tak tak hmuhchhuah belh leh a ni a.

November 2008 khan, Egyptian pyramids 118 hriat a ni ta a. Lepsius pawhin "Headless Pyramid" tia a koh leh sawi chu, thlaler vaivutin a chhilh avangin a bo ta daih a, kum 2008 khan archaeologist ten an hai chhuak leh ta hram a ni. pyramids tam tak chu enkawl that an ni lo hle a, thlaler vaivutin a chhilh emaw hlawm a ni. archaeologists te chuan an zir chiang zel a, Tun hnaia an hmuhchhuah thar ber chu Queen Sesheshet, mother of 6th Dynasty Pharoah Teti, a ni a, Saqqara-a awm a ni.
__________________________________________

♥ Pyramids awmna hmunte:-

Pyramid/Pharaoh ------------Reign

1) Djoserc. --------------------2670 BCE

2) Saqqara Sneferuc. -------2612¨C2589 BCE

3) Dashur Sneferuc. --------2612¨C2589 BCE

4) Meidum Khufuc. ---------2589¨C2566 BCE

5) Giza Djedefrec. ----------2566¨C2558 BCE

6) Abu Rawash Khafrec---2558¨C2532 BCE

7) Giza Menkaurec.--------2532¨C2504 BCE

8) Giza Userkafc.----------- 2494¨C2487 BCE

9) Saqqara Sahurec.------- 2487¨C2477 BCE

10) Abu Sir Neferirkare Kakaic.--- 2477¨C2467 BCE

11) Abu Sir Nyuserre Inic. ---2416¨C2392 BCE

12) Abu Sir Amenemhat Ic. ---1991¨C1962 BCE

13) Lisht Senusret Ic. ----1971¨C1926 BCE

14) Lisht Senusret IIc. --1897¨C1878 BCE

15) el-Lahun Amenemhat IIIc. ---1860¨C1814 BCE

16) Hawara Khendjerc. ---- 1764¨C1759 BCE

17) Saqqara Piyec. ---------- 721 BCE

18) El-KurruTaharqac.------ 664 BCE

__________________________________________

♦ Egyptian pyramid sak dan hi a hautak hle a. Lung lian leh hrawl tak tak nawrsawn leh chung sang lama dah chhohte a ngai a ni. Chung lung lian em emte chu hmun hla tak atangin Pyramids sakna hmunah wooden sleds an tihin harsa takin an nawr tawlh a, innawhna (friction) a nasat lutuk loh nan sled hmaah chuan balu/vaivut huh an dah zel bawk a ni. 
__________________________________________

♣ (Pyramid was built with the help of Aliens) - Cairo University Archaeology Department-a head Dr Ala Shaheen chuan December 2010 khan thu sawiin, "ancient Egyptians te kha pyramids upa ber  Pyramids of Giza sa tur khan Aliens hovin an tanpui a ni" a ti. Dr Shaheen chuan ka chiang bik lo tiin, a chhang a, “he thu hi ka nemnghet emaw, ka hnawl mai emaw ngam bik lo va. mahse, pyramid chhungah hian thil “he khawvela mi ni lo” a awm a ni" a ti. 

Ancient Egyptian thuziak (writings) tam takah chuan 'Van atangin'(from the sky), Van a rawn inhawng a, thil eng tak mai chuan an finna leh thiamna technology min zirtir turin an rawn chhuk a ni.' tih thu hi a tam hle. 

Milem leh symbols tam tak pawh UFOs leh aliens an ang hlawm hle. Thil ni thei ta chu, aliens ho chuan Great Pyramid an rawn sa a. He construction techniques hi entawnin  Egyptians hovin Pyramid an sa ta thluah thluah niin a lang. 

Ancient Egyptian thawnthu (legends)-ah Tep Zepi, the “first time” tih kan hmu a. Hetah hian, Van Pathian “sky gods” rawn chhukin, hmun chu hlum leh tui hmangin a tungding a ni. Lawng thlawkthei (flying “boats”) hmangin boruakah an thlawk bo leh ta a. Tichuan, Lal Pharaohs thlahte kaltlangin dan (laws) leh finna, mihringte an rawn pe ta a ni . 

Mahse, he thu hi Christianity rawn darh zelah hnawl a ni ta a. Tichuan, Pathian chu pakhat chauh a awm a, chu chauh chu sakhua a ni tihin hmun a chang ta zawk a ni.
__________________________________________

♠ PYRAMIDS THILTIHTHEIHNA THURUK
(Secret Power Of Pyramids)

Pyramid power hi ancient Egypt ho thlarau lam thil (supernatural) emaw, paranormal nena inkungkaih tlat a ni a. He chakna (power) hian chaw a vawng tha thei a, razor blades a tihriam reng thei a, mi a tihrisel thei a, sex lamah mi a kai her danglam thei a, chubakah, lan dan a tidanglam thei bawk a ni.

Pyramid power hi theories tam tak zinga pakhat a ni a. pyramid hnuaia chaw dah reng reng chu, a let hnih emaw, let thum emawin a tha rei thin. Chaw-a Thil tihtuina (Artificial flavorings) a awm erawh chuan, a tuina chu a bo thin. Mahse, chutiang a nih lem loh chuan a hma aiin a tui daih thung thin. 

A tuina (taste) chu a lo danglam a; a kha (bitter) lo sawt a, acid a tlem sawt zel bawk. Spectrographic reading atanga a lan dan chuan, chumi chaw-a molecule pianhmang (molecular structure) a lo danglam vek zel a ni.pyramid chuan thil a tirovin, a tawih tur pawh a venghim thei a ni. microorganisms thang zel tur timuangin emaw, a titawp thei bawk.

Mi tupawh Pyramid hnuai, chhunga a muthilh, khawsak, rilru sawrbing (meditate), hnathawh chuan a awm dan danglamin, a engthawl hle thin. Ramsa te pawh magnet ang maiin Pyramid chuan an rilru a hip thei thin.

Pyramid hnuaiah chuan ramsa hrim hrim an thang chak hle a, Ui leh Zawhte phei chuan Pyramid hi bia niawm takin an bauh/ngiau chiam thin.
__________________________________________

♥ Pyramid research : Bill Kerell hi Pyramid hrechiang tura researcher a ni a, kum 17 lai pyramid zira experiment lo nei tawh a ni. Rannung chi khat brine shrimp hmangin experiment a nei a. Brine shrimp te hi a tlangpuiin chawlhkar 6 to 7 vel lek an dam thin a; mahse, Bill hian pyramids hnuaiahh a khawi chuan, kum khat aia rei an dam thin a ni.

 Chubakah, pyramid-grown shrimp te chu an len dan tur pangngai aia, alet hnih thumin a than lentir bawk. Bill hian mihringah pawh experiment a nei a. Chung zingah chuan, a thawhpuite nen an hmuhchhuah tak chu, thisen sang nei (hypertensive individuals) te chu pyramid hnuaia an awm rei chuan an dam tlat zel a ni. Mi chak lo leh nguai, zawi takte pawh an hrisel chak leh thei bawk. .

 Mihring rilru sawrbing (meditate)-ah test a ni a. Chutah chuan, theta leh alpha brain waves chu a pung nasa hle. Heng frequencies te hi a sang sawt a, signal strength pawh alet hnih lai a ni.  Dr. Carl Benedicks (Swedish scientist) pawhin, pyramid hian resonance emaw frequency emaw chu pyramid chhungah a siam tih a hmuchhuak. 

German scientists pahnih Born leh Lertes te pawhin, he frequency hi microwave range chhunga awm ang a ni tih an hrechhuak bawk. Researchers te chuan, pyramid hnuaia thil reng reng chu laksawn hnuah pawh rei tak a in "charged" tih a hrechhuak leh bawk. Crystals leh tui (water) phei chu thil dang zawng zawng aiin an in "charge" bik zual hle.

Doctors te chuan experimenting an nei nasa hle a. Chuvangin, Pyramids thatzia an hre ta a. Canadian hospital phei chuan kang enkawlna (burn ward)-ah pyramid an hmang a. pyramid hnuaiah minute tlemte pawh awm se, na chu a ziaawm huai thin.

 Chubakah, a kangna hmuamhma (burns areas) pawh a dam chak bik hle tih an hmuchhuak a ni. Pyramids hnuaia awm hian, Negative Ions-in cells a siamtha (repair) a, a siam pung bawk. Boruak atangin taksaah an lut a, tisenin thisen zamah a luan kualpui ta a ni. Taksaah hian positive ions a tam lutuk chuan depression a siam thei a, a tawpah phei chuan damloh hialna a thleng thei a ni. 

Chuvangin, Pyramid hnuaia awm lai chuan, negative ions chuan taksaah effect tha tak a nei thung a. Pyramids hian negative ions a siam a. Chubakah, taksaa electromagnetic field in balance tirtu a ni.
__________________________________________

♦ Evidence From Ancient  Tombs : Egyptologist

Egyptian pyramids hi chi hrang hrang a tam hle a. Kum 2008 pawh khan egypt-ah chuan pyramid 138 lai hmuhchhuah a ni tawh a ni. Egypt kingdom hmasa leh laihawl vela pyramids an sak reng reng chu a tlangpuiin, an Lal Pharaohs thlan leh an nupui Lalnu thlan (tombs) an ni zel a ni. 

Egyptian pyramids zinga upa ber bera ngaih pawh Saqqara, northwest of Memphis-ah hmuhchhuah a ni. Chung zingah pawh chuan Pyramid of Djoser(2630 BCE¨C2611 BCE) hi a upa/rei ber tawh a. Hei hi dynasty thumna hun laia sak (build) a ni. He pyramid leh a bul vela thilte hi architect Imhotep-a designed a ni a, Pyramids saknaa hnathawktute hi mi 1,000 atanga 100,000 vel an ni. Tin, Egyptian pyramids zinga hmingthang ber chu Giza (Cairo daifem)-ah hmuhchhuah a ni a. 

Giza hmuna pyramids te hi an lianin an hrawl bik hle bawk a ni. Pyramid of Khufuat Giza chu Egyptian pyramid zinga lian ber a ni a. Hei hi 'Hman lai Khawvel Thilmak Pasarih' (Seven Wonders of the Ancient World) zinga pakhat a ni.

Egypt pyramid-building period atanga hun rei tak hnuah, pyramid sak (building) hna chu, tunah Sudan ramah hian an thawk leh ta a. Napata Lalte hnuaiah Egypt hi a lo  awm ve tawh thin reng a ni. Napatan lalna chuan rei lo te awhin, 661 BCE-ah a tawp ta a ni. Sudanese Kingdom of Meroe(300 BCE¨C300 CE) tawp lam khan, pyramid sak hna chu an tharthawh leh nasa hle a, chuta an sak leh pawh chu pyramid 100 lai a tling. 

Mahse, Egyptian ho chuan Lal thlan (royal pyramid-tombs) tur, an Lalram khawpui bera sa turin an fuih a ni. Al-Aziz Uthman (1171¨C1198) khan Giza-a pyramids te chu tihchhiat a tum a. Mahse, Pyramid of Menkaure a tihhmelhem hnuin, tihchhiat pawh chu a hautak em avangin a chawlhsan leh ta zawk a ni.

Egyptians ho chuan Zan boruaka, vansang thim lai bik chu Vanram lawnna (gateway) niin an ngai a. Great Pyramid-a ruang dahna hmun (burial chamber) atanga zim tea phei hret hi a awm a. Chu chu, kha Vansang thim lai, Vanram luhna nia an rin zawn an hawitir a ni. 

Hei hian a tinzawn tak chu, pyramid te hi an Lal pharaoh thlarau (soul) Vanrama a lawnchhohva, pathian bula a chhohna tura an siam a ni. Egyptian pyramids reng rengte hi Nile lui thlang lam vaukama sak zel an ni a, chulai hmun chu egyptian thawnthua Ni tlakna hmun, mitthite hmun a ni. 

Number and location of pyramids - kum 1842 khan, Karl Richard Lepsius chuan pyramids list a tlangzarh a ¨C Lepsius list ah chuan 67 lai a ni. A hnuah tam tak, ropui tak tak hmuhchhuah belh leh a ni a. November 2008 khan, Egyptian pyramids 118 hriat a ni ta a. 

Lepsius pawhin "Headless Pyramid" tia a koh leh sawi chu, thlaler vaivutin a chhilh avangin a bo ta daih a, kum 2008 khan archaeologist ten an hai chhuak leh ta hram a ni. pyramids tam tak chu enkawl that an ni lo hle a, thlaler vaivutin a chhilh emaw hlawm a ni. 

Archaeologists te chuan an zir chiang zel a, Tun hnaia an hmuhchhuah thar ber chu Queen Sesheshet, mother of 6th Dynasty Pharoah Teti, a ni a, Saqqara-a awm a ni.
__________________________________________

♣ Pyramids awmna hmunte:-

Pyramid/Pharaoh ------------Reign
1) Djoserc. --------------------2670 BCE

2) Saqqara Sneferuc. -------2612¨C2589 BCE

3) Dashur Sneferuc. --------2612¨C2589 BCE

4) Meidum Khufuc. ---------2589¨C2566 BCE

5) Giza Djedefrec. ----------2566¨C2558 BCE

6) Abu Rawash Khafrec---2558¨C2532 BCE

7) Giza Menkaurec.--------2532¨C2504 BCE

8) Giza Userkafc.----------- 2494¨C2487 BCE

9) Saqqara Sahurec.------- 2487¨C2477 BCE

10) Abu Sir Neferirkare Kakaic.--- 2477¨C2467 BCE

11) Abu Sir Nyuserre Inic. ---2416¨C2392 BCE

12) Abu Sir Amenemhat Ic. ---1991¨C1962 BCE

13) Lisht Senusret Ic. ----1971¨C1926 BCE

14) Lisht Senusret IIc. --1897¨C1878 BCE

15) el-Lahun Amenemhat IIIc. ---1860¨C1814 BCE

16) Hawara Khendjerc. ---- 1764¨C1759 BCE

17) Saqqara Piyec. ---------- 721 BCE

18) El-KurruTaharqac.------ 664 BCE
__________________________________________

Egyptian pyramid sak dan hi a hautak hle a. Lung lian leh hrawl tak tak nawrsawn leh chung sang lama dah chhohte a ngai a ni. Chung lung lian em emte chu hmun hla tak atangin Pyramids sakna hmunah wooden sleds an tihin harsa takin an nawr tawlh a, innawhna (friction) a nasat lutuk loh nan sled hmaah chuan balu/vaivut huh an dah zel bawk a ni. 

 (Pyramid was built with the help of Aliens) - Cairo University Archaeology Department-a head Dr Ala Shaheen chuan December 2010 khan thu sawiin, "ancient Egyptians te kha pyramids upa ber  Pyramids of Giza sa tur khan Aliens hovin an tanpui a ni" a ti. Dr Shaheen chuan ka chiang bik lo tiin, a chhang a, “he thu hi ka nemnghet emaw, ka hnawl mai emaw ngam bik lo va. mahse, pyramid chhungah hian thil “he khawvela mi ni lo” a awm a ni" a ti. 

Ancient Egyptian thuziak (writings) tam takah chuan 'Van atangin'(from the sky), Van a rawn inhawng a, thil eng tak mai chuan an finna leh thiamna technology min zirtir turin an rawn chhuk a ni.' tih thu hi a tam hle. 

Milem leh symbols tam tak pawh UFOs leh aliens an ang hlawm hle. Thil ni thei ta chu, aliens ho chuan Great Pyramid an rawn sa a. He construction techniques hi entawnin  Egyptians hovin Pyramid an sa ta thluah thluah niin a lang. 

Ancient Egyptian thawnthu (legends)-ah Tep Zepi, the “first time” tih kan hamu a. Hetah hian, Van Pathian “sky gods” rawn chhukin, hmun chu hlum leh tui hmangin a tungding a ni. 

Lawng thlawkthei (flying “boats”) hmangin boruakah an thlawk bo leh ta a. Tichuan, Lal Pharaohs thlahte kaltlangin dan (laws) leh finna, mihringte an rawn pe ta a ni . 

Mahse, he thu hi Christianity rawn darh zelah hnawl a ni ta a. Tichuan, Pathian chu pakhat chauh a awm a, chu chauh chu sakhua a ni tihin hmun a chang ta zawk a ni.
__________________________________________

★ PYRAMIDS THILTIHTHEIHNA THURUK
(Secret Power Of Pyramids)

Pyramid power hi ancient Egypt ho thlarau lam thil (supernatural) emaw, paranormal nena inkungkaih tlat a ni a. He chakna (power) hian chaw a vawng tha thei a, razor blades a tihriam reng thei a, mi a tihrisel thei a, sex lamah mi a kai her danglam thei a, chubakah, lan dan a tidanglam thei bawk a ni.

Pyramid power hi theories tam tak zinga pakhat a ni a. pyramid hnuaia chaw dah reng reng chu, a let hnih emaw, let thum emawin a tha rei thin. 

Chaw-a Thil tihtuina (Artificial flavorings) a awm erawh chuan, a tuina chu a bo thin. Mahse, chutiang a nih lem loh chuan a hma aiin a tui daih thung thin. 

A tuina (taste) chu a lo danglam a; a kha (bitter) lo sawt a, acid a tlem sawt zel bawk. Spectrographic reading atanga a lan dan chuan, chumi chaw-a molecule pianhmang (molecular structure) a lo danglam vek zel a ni.pyramid chuan thil a tirovin, a tawih tur pawh a venghim thei a ni. microorganisms thang zel tur timuangin emaw, a titawp thei bawk.

Mi tupawh Pyramid hnuai, chhunga a muthilh, khawsak, rilru sawrbing (meditate), hnathawh chuan a awm dan danglamin, a engthawl hle thin. Ramsa te pawh magnet ang maiin Pyramid chuan an rilru a hip thei thin.

Pyramid hnuaiah chuan ramsa hrim hrim an thang chak hle a, Ui leh Zawhte phei chuan Pyramid hi bia niawm takin an bauh/ngiau chiam thin.
__________________________________________

♦ Pyramid research : 

Bill Kerell hi Pyramid hrechiang tura researcher a ni a, kum 17 lai pyramid zira experiment lo nei tawh a ni. Rannung chi khat brine shrimp hmangin experiment a nei a. Brine shrimp te hi a tlangpuiin chawlhkar 6 to 7 vel lek an dam thin a; mahse, Bill hian pyramids hnuaiahh a khawi chuan, kum khat aia rei an dam thin a ni. 

Chubakah, pyramid-grown shrimp te chu an len dan tur pangngai aia, alet hnih thumin a than lentir bawk. Bill hian mihringah pawh experiment a nei a. Chung zingah chuan, a thawhpuite nen an hmuhchhuah tak chu, thisen sang nei (hypertensive individuals) te chu pyramid hnuaia an awm rei chuan an dam tlat zel a ni. 

Mi chak lo leh nguai, zawi takte pawh an hrisel chak leh thei bawk.  Mihring rilru sawrbing (meditate)-ah test a ni a. Chutah chuan, theta leh alpha brain waves chu a pung nasa hle. 

Heng frequencies te hi a sang sawt a, signal strength pawh alet hnih lai a ni.  Dr. Carl Benedicks (Swedish scientist) pawhin, pyramid hian resonance emaw frequency emaw chu pyramid chhungah a siam tih a hmuchhuak. 

German scientists pahnih Born leh Lertes te pawhin, he frequency hi microwave range chhunga awm ang a ni tih an hrechhuak bawk. 

Researchers te chuan, pyramid hnuaia thil reng reng chu laksawn hnuah pawh rei tak a in "charged" tih a hrechhuak leh bawk. Crystals leh tui (water) phei chu thil dang zawng zawng aiin an in "charge" bik zual hle.

Doctors te chuan experimenting an nei nasa hle a. Chuvangin, Pyramids thatzia an hre ta a. Canadian hospital phei chuan kang enkawlna (burn ward)-ah pyramid an hmang a. pyramid hnuaiah minute tlemte pawh awm se, na chu a ziaawm huai thin. 

Chubakah, a kangna hmuamhma (burns areas) pawh a dam chak bik hle tih an hmuchhuak a ni. Pyramids hnuaia awm hian, Negative Ions-in cells a siamtha (repair) a, a siam pung bawk. Boruak atangin taksaah an lut a, tisenin thisen zamah a luan kualpui ta a ni. 

Taksaah hian positive ions a tam lutuk chuan depression a siam thei a, a tawpah phei chuan damloh hialna a thleng thei a ni. Chuvangin, Pyramid hnuaia awm lai chuan, negative ions chuan taksaah effect tha tak a nei thung a. Pyramids hian negative ions a siam a. Chubakah, taksaa electromagnetic field in balance tirtu a ni.

Evidence From Ancient Egyptian Tombs : Egyptologists te pawhin he lai thlanah hian thlai mu/thei mu/chi te, kum sangtel an lo vawn that tawh an hmuchhuak bawk. 

Bovis's observation chuan 'pyramid power,' thatzia leh hman dan a pholang a, chu chuan organic matter a vawng tha thei a ni. pyramid power chawisanga, zir chiangtute zingah French radiologist Jean Martial te, electronics engineer Prague khawpuia cheng mek Karl Drbal te, author and biologist Lyall Watson te leh, physicist Patrick Flanagan te pawh an tel. 

Saqqara, Egypt-ah pawh, Egyptologists-te chuan lal ni ve lem lo hmeichhe thlan (tomb) an laichhuak a. pottery platters hmanga siamah chaw an dah a. Chu an chaw ah chuan porridge, vahmim, kidneys, parva, sangha, beef ribs, chhang kil thum nei, cakes leh thei te a awm. 

Chu an thil vawn that chu kum 5,000 laia rei tawh ni mah se, a tha chungchuang hle. Chutianga an sawngbawl leh an remkhawm dan vel atang chuan pyramid power hi tun lai mithiamte'n an hriat phah ta reng a ni.
__________________________________________

♠ Meditation in Pyramids : 

Pyramid hnuaia awm laia rilru sawrbing hian, meditator tam zawk chuan, 'pyramid chuan rilru lam thiltihtheihna a tizual sauh a ni' an ti. 

Pyramid Meditators reng rengin a tlangpuiin, heng a hnuaia ka rawn sawite hi an awm dan leh an hriat (feel) dante chu a ni:-

1. Taksa rihna nei lo angin an inhria. 

2. Taksa chu electric lut angain a ni deuh chur chur. 

3. Taksa chung lam zawng a lum deuh up.

4. Rilru a hahdam a, pawn lam thilin a chimbuai pha tawh ngai lo va, taksa a hahdam hle bawk.

5. Rawng hrang hrang mitthlaah a lang a, thuziak, milem leh thil inrin mitthlaah a lang zur zur zel bawk a.

6. Ri, eng leh thil dang engmah hriat tur a awm lo. 

7. Vansang lama awm anga inngaihna an nei zel thin. 

8. Rilru a ding hle a, taksa chak tha hlea inhriatna a awm zel bawk a ni.(Opeey-a Khiangte)

★★★